قال الرئيس عبد الفتاح السيسي، إن مصر ستنهض وتسير في الطريق الصحيح: “أنا بكلم المصريين يا ترى إحنا بنعمل شغلنا عشان البلد دي تقوم.. البلد دي مش هتقوم غير بينا كلنا.. كل واحد في موقعه”.
وأضاف خلال كلمته، اليوم السبت، في ندوة تثقيفية، للقوات المسلحة بمسرح الجلاء، “المعدلات اللي إحنا ماشيين بيها كويسة صدقوني كويسة لكن المطلوب أكثر من كدا..فالاحتياج أكبر”.
وتابع: “أكبر مشكلة تواجه مصر هو النمو السكاني.. يعني 2.6 مليون مولود كل عام.. عايزين ياكلوا ويشربوا ويتعلموا ويتعالجوا.. ومعدلات الإنتاج أقل من معدلات النمو السكاني، كل الجهد المبذول إذا لم يرتفع معدل الإنتاج عن 6 أو 7% الناس لن تشعر بأي شيء”.
وأردف: “مين تحدث في أزمة النمو السكاني.. يا ترى النبي محمد صلى الله عليه وسلم يقدر يشوف أمة مرمية في الشوارع والعشوائيات ومش متعلمة وفقيرة ويفرحه ده؟.. ولا عايز ناس تِفْرِح؟”.
وتابع: “الملك عبد الله قال لي وصيتي ليك ونصيحتي ليك راعي ربنا وراعي دينك في أي حاجة إنت بتعملها، بقولكم كدا لإن هو في ذمة الله لكن إحنا لن ننساه”.
“لو مكانش الناس دي وقفت جنبنا مكنتش البلد دي وقفت تاني.. أنا عايز أعمل جامعة محترمة باسم الملك عبد الله في مصر، نعملها فوق جبل الجلالة.. على ارتفاع 700 متر جامعة تليق باسم الملك عبد الله”، حيث طلب الرئيس السيسي من وزير الدفاع الفريق صدقي صبحي متابعة تنفيذ هذا الأمر.
المصدر
تابع الشرقية توداي على جوجل نيوز 
