أخبار مصر

الرئيس السيسي يوجه رسالة ويرد على الشكاوي بخصوص طريق الساحل الشمالي

طريق الساحل الشمالي

أكد الرئيس عبدالفتاح السيسي ان الاعمال  الخاصة بطريق الساحل الشمالي لم تنته بعد موضحا ان يتابع بنفسه الاراء والملاحظات الخاصة بالمواطنين بشأن الطريق .

وقال الرئيس السيسي، خلال تفقده أعمال الطرق الجارية بالقاهرة:

انا بسمع ومتابع كل شكاوي المواطنين والملاحظات بشأن طريق الساحل الشمالي وعاوز اقول ان الطريق دا المفروض يخلص 30 يوليو او منتصف شهر اغسطس وده أمر يجب الانتباه ليه كويس لما تنتهي أعمال الطريق بكل الشغل الفني اللي عليه ويتعمل ليه الإرشاد اللازم ويتحط عليه عناصر الشرطة لضبطه.

وتابع الرئيس السيسي: هل يعقل طريق حارتين أو تلاتة يقارن بطريق عرضه 6 أو 7 حارات ويكون فيه مشكلة.

وأضاف الرئيس : “انتظروا لما الموضوع يخلص ويتشرحلكم، وأنا مستغرب ان القائمين على الطريق مش قادرين يوصلوا للناس ان الطريق ما خلصش، والإرشاد والتخطيط لم ينتهٍ بعد، وبالتالي هيكون الحكم على الطريق مش مضبوط، وبالمناسبة إحنا هنعمل الطريق على قواعد المرور مش على أسلوب الناس في الحركة، ولازم نتفق على كده”.

ودعا الرئيس عبد الفتاح السيسي إلى ضرورة الانتباه والحذر من المشككين في العمل والإساءة لكل الجهد والتكلفة الجارية فيه، متابعا: لأ يا جماعة الناس بتحاول تحطلكم تراب على شغلكم، ومش الهيئة الهندسية ولا وزارة النقل وكأني مش عارفين نعمل، والداخلية هتبقى موجودة والتخطيط هيتعمل طبقا لمعايير الجودة العالمية، وإحنا لازم كمواطنين نستخدم الطريق طبقا للقواعد دي.

زر الذهاب إلى الأعلى