سلايدسياسة

السيسى: «عاوز المواطن يعرف إحنا فين وقلبه يكون معايا زى ما قلبي عليه»

hg

قال الرئيس عبدالفتاح السيسى، تعليقا على كلمة وزير الزراعة، الدكتور عبدالمنعم البنا، خلال افتتاح عدد من المشروعات التنموية بمحافظة قنا: “اللى بيسمعك دلوقتى كل المصريين، لما آجى على القمح أقول يا مصريين إحنا بنطلع من 7 لـ8 مليون طن، وبنستورد كمان 10 مليون، بإجمالى 18 مليون طن، بنستهلكهم على مدار السنة، علشان الناس تبقى عارفة الحجم”.

وأضاف السيسى فى تعقيبه على كلمة وزير الزراعة: “إحنا بنعمل اللقاءات دى مش بس علشان أعرف، ولكن الهدف إننا نقول للمصريين إحنا فين، لما أقول النهارده بستورد 10 مليون طن ورغيف العيش بيتكلف كذا، بإجمالى من 300 لـ400 مليون رغيف، يعرف إذا كانت حكومة بلده واقفه جنب شعبها ولاّ لأ، وحريصة عليه ولّا لأ، والهدف من هذا اللقاء هو بناء وعى حقيقى بحجم تحدياتنا، وعاوز المواطن وهو قاعد فى بيته يعرف الحكاية ماشية إزاى، ويبقى قلبه معايا زى ما أنا قلبى عليه”.

يُذكر أنه من المقرر أن يتفقد الرئيس أعمال محور جرجا الممتد بطول 10 كيلو مترات، ويربط طريقى القاهرة – أسوان الزراعيين، الشرقى والغربى، ويفتتح كوبرى طهطا بسوهاج وكوبرى الكباش 2 بالأقصر، ومشروعات استصلاح 43 ألف فدان بصحراء منطقة المراشدة، إضافة إلى افتتاح كوبرى نجع حمادى أعلى خط السكك الحديدية، وتفقد صوامع وهناجر تخزين القمح بالمحافظة.

المصدر 

أحمد الدويري

كاتب صحفي منذ عام 2011 ، أكتب جميع أنواع قوالب الصحافة، تعلمت الكتابة بشكل جيد جدًا من خلال موقع الشرقية توداي الذي انضممت له منذ عام 2012 وحتى الآن
زر الذهاب إلى الأعلى