قال الرئيس عبد الفتاح السيسي، نتمنى الوصول لاتفاق قانوني ملزم بشأن ملئ سد وتشغيل السد.
وتابع: “موضوع المياه شاغلني وشاغلني كلكم، وموضوع التفاوض خيارنا اللي احنا بدأنا به، وعاوز أقولك، أن العمل العدائي قبيح وله تاثيرات كبيرة جدا تمتد لسنوات طويلة، لأن الشعوب لا تنسى ذلك، والمعركة بتاعتنا معركة تفاوض”.
وأضاف “السيسي”: خلال مؤتمر صحفي عالمي على ضفاف قناة السويس، «كل يوم الرأي العام العالمي وكبار المسئولين في دول العالم ترى وبنكسب أرض إننا جادين نتفاوض يشكل الكسب للجميع، وكل اللي بنطلبه أمر لا يخرج عن القوانين والمعايير الدولية المعمول بها في التعامل مع هذه الموضوعات وهي المياه العابرة للحدود”.
واستكمل: “خلال الأسابيع القليلة المقبلة سيكون هناك تحرك إضافي في المفاوضات فيما يخص قضية السد الإثيوبي، نتمنى الوصول لاتفاق قانوني ملزم بشأن ملئ سد وتشغيل السد”.
وأردف الرئيس: “إحنا مش بنتكلم كتير بس بنقول للناس كلها محدش يقدر ياخد نقطة مياه من مصر، واللي عاوز يجرب يجرب، إحنا مش بنهدد حد، عمرنا ما هددنا، وحوارنا رشيد جدا، وصبور جدا، لكن محدش هياخذ نقطة مياه من مصر”.
واختتم: “وإلا هيكون فيه حالة من عدم الاستقرار في المنطقة، لا يتخيلها أحد، ومحدش يتصور إنه يقدر يبقى بعيد عن قدرتنا، لأ، مش بهدد حد ومياه مصر لا مساس بها والمساس بها خط أحمر، وهيبقى رد فعلنا في حال المساس بها أمر يؤثر على استقرار المنطقة بالكامل”.
تابع الشرقية توداي على جوجل نيوز 
