السيسي يحرج ضيف أحد البرامج: «ذاكر كويس»
وجه الرئيس عبدالفتاح السيسي، انتقادًا لضيف أحد البرامج « لم يسمه ولم يذكر اسم البرنامج »، بعدما تحدث الأخير عن «ضرورة تدخل كراكات قناة السويس لتطهير بحيرة المنزلة.
وقال السيسي، خلال افتتاحه عددًا من المشروعات التنموية في محافظة قنا: «كنت بتفرج على برنامج والضيف بيرد على 20 موضوع، واتكلم على البحيرات وقال كراكات قناة السويس ليه متدخلش وتكرك البحيرات دي وتخلصها».
وأضاف: «بحيرة المنزلة 125 ألف فدان، واللي كان بيتكلم في البرنامج عشان تكرك بحيرة المنزلة يعني هتعمل 500 مليون متر، والمتر بـ 150 جنيه، يعني عايزين 50 مليار جنيه»
وتابع: «البحيرات وصلت للمستوى ده بسبب التعدي والصرف الصحي ولم يحدث لها أعمال رفع كفاءة».
وواصل: «اللي يطلع يناقش موضوع يذاكره كويس، كل واحد طالع كأنه معاه مفاتيح الحل، إقامة الدولة واستعادة دولة ذات شأن في مصر أمر كبير أوي وربنا يعيننا عليه».
المصدر