كتب | أحمد الدويري
كتب هاني يونس المستشار الإعلامي لمجلس الوزراء بوست على صفحته الرسمية بموقع التواصل الاجتماعي فيس بوك يدعم فيه دار بسمة للإيواء .
حيث كتب: نوّر شمعة بدل ما تلعن الظلام مد ايدك وساعد، ما دمت قادر، ولو بصحتك ومجهودك، ربنا هيجزيك دول شباب زى الورد، يا ريتنى زيهم والله وفروا من فلوسهم وجهدهم ووقتهم علشان يساعدوا مييبيييين؟
أقولك أنا، علشان يساعدوا المشردين بياخدوهم يرعوهم فى دار بسمة للإيواء، اللى عملوها من تبرعاتهم، وتبرعات معارفهم الشباب دول منسقين مع وزارة التضامن الاجتماعى، وبيتحركوا على الفور، مبيستنوش لحظة
الشباب دول محافظ الشرقية كرمهم، بس أنا شايف إننا لازم نضرب لهم كلنا تعظيم سلام.
لأنهم بيستروا لحمنا اللى فى الشوارع، لأنهم بيكونوا أهل لهم، تخيلوا بيفسحوهم، وبينظموا رحلات للملاهى الطلبة دول كل همهم ان مصر تصبح وطنا بلا مشردين الشباب دول أنقذوا 250 حالة من الشارع، رجعوا 66 شخص لأسرته، دعموا تبرعات الأهالي.
الشباب دول اشتروا قطعة أرض بمساحة فدانين ونص ، ومحافظ الشرقية دعمهم بمليون جنيه، يا ترى إحنا هنسيبهم؟! تحيا مصر.
تابع الشرقية توداي على جوجل نيوز 
