بالفيديو.. أول تعليق من النني عقب مباراة برشلونة

قال اللاعب محمد النني ، المحترف في صفوف أرسنال الإنجليزي، في أول تصريح له عقب، مباراة فريقه مع أرسنال في دوري

الكصأبطال أوروبا والتي انتهت بخسارة فريقه بـ3 أهداف مقابل هدف واحد أحرزه في المباراة، إنه سعيد بمستواه في المباراة، والهدف الذي أحرزه، لكنه حزين بسبب النتيجة.

وأضاف: «طبعا إحنا بنلاعب أحسن فرقة في العالم، وعارفين ده، وهما ما بيخسروش بقالهم كتير، وإحنا عملنا اللي علينا طول الماتش، وكان قدامنا فرصة نعوض النتيجة، ومشينا الماتش زي ما كنا عايزين، بس مش هقدر أقول إنها أخطاء دفاعية، أو غلطات مننا اتسببنا في أهدف، بس إن شاء الله نركز في الدوري إن شاء الله ونسعى إن إحنا ناخد البطولة إن شاء الله».

وتابع: «إحنا قدرنا نحاول النهارده ومكناش مستسلمين، إحنا بنلاعب فرقة كبيرة أه بس إحنا حاولنا، وهنسعى ونركز في الدوري، وهو لسة في الملعب، وإن شاء الله يتحسم».

وحول إحساسه عن هدفه في الكامب نو، قال: «الحمد لله إحنا عارفين إنه ملعب كبير وملعب رائع والأجواء جميلة بس أنا أكيد الحمد لله مبسوط من مستوايا شوية، ومن الهدف اللي أنا جبته، بس زعلان شوية من النتيجة علشان كان نفسي نصعد النهارده من الكامب نو، أنا عارف الموضوع صعب شوية، بس مفيش حاجة صعبة في الكورة، بس الحمد لله».

وأشار في النهاية إلى أنه بدل قميصه مع ميسي.

المصدر