بالفيديو.. السيسي عن أنفاق قناة السويس: المشروع حكاية كبيرة و«المصريون عملوه من الألف للياء»

وقال السيسي خلال تفقده المشروع، صباح الأربعاء: «المشروع ده حكاية كبيرة قوي»، مشيرًا إلى أن تنفيذه يتم بجهود المصريين بأكثر من شركة مصرية.

وأوضح: «ما خضناش التجربة دي قبل كده، وقلنا نقدر نعمل، والمصريين جاهزين.. و2 كيلو جوه النفق وربنا يكملها بخير، والحكاية هنا مش حكاية فقط عن إن فيه شركة مصرية، لا بنتكلم عن شركة اتنين تلاتة أربعة، وإحنا المصريين قدرنا نعمل حاجتنا، آه اشترينا ماكينات من بره، لأن ما حدش بيقدر يعمل كل حاجة لوحده».

وأضاف: «ده مشروع حكاية تانية، وإن المصريين اللي عملوه من الألف للياء، وأقول للمصريين إن إحنا نقدر والمشروع لما يخلص بالكثير إن شاء الله 30 يونيو الـ4 أنفاق يكونوا خلصانين».

والتقط السيسي صورًا تذكارية مع العاملين في مشروع أنفاق قناة السويس.

كان السيسي افتتح المؤتمر الوطني للشباب في محافظة الإسماعيلية، الثلاثاء.