أثنى الرئيس عبد الفتاح السيسي، على فكرة إطلاق مجلة للأطفال تحت اسم “نور”، قائلا إنها فكرة رائعة، مشيرا إلى توفير كل الدعم للنهوض بعقلية الطفل المصري.
وقال الرئيس: «حاولت خلال الشهور اللي فاتت أن نتحرك في اتجاه اللى أنا بسمعه دلوقتي، وقلنا نعمل مجلات للأولاد عشان يعرفوا إنهم مش لوحدهم وبيعيشوا مع غيرهم عشان نشكل ثقافة حقيقية للتنوع والتعدد والفهم الصحيح للدين بتاعنها».
وأضاف الرئيس في مداخلته الهاتفية ببرنامج «القاهرة 360» مع الإعلامي أسامة كمال على قناة «القاهرة والناس»، قائلا: «وكنا حريصين إننا مش عاوزينها عشان تبقى لدين بعينه، ولكن لينا كلنا ككل المصريين، والمجلة دى هنترجمها وعلى طول».
ووجه الرئيس حديثه للمسئولين على المجلة قائلا:«إللى انتوا عاوزينه كله يقدم، مش عشان تطلع الفكرة في 10 آلاف ولا 20 ألف نسخه، لأ اكتر من كده بكتير، لأننا عاوزين نوصل لولادنا ونكلمهم».
وتابع الرئيس قائلا: «إحنا عاوزين نوفر لولادنا الأكل والشرب صحيح، لكن مهم قوى أكتر من الأكل والشرب إننا نعلمهم كويس ونفهمهم كويس ونجهزهم لبكره كويس».
واستطرد الرئيس قائلا:« وفلوس تحيا مصر اللى هى فلوس المصريين موجودة تقدم الدعم، لكننا عاوزين إن أبناءنا يدفعوا حاجه عشان يعرفوا إن في مقابل للى هما بيبذلوه».
وقال الرئيس:«أنا بشوف أطفال معاهم “أى باد” عليه قصص وحكايات جميله، أنا بتكلم على أطفال 3 سنين و5 سنين، يعني بجانب المجلة محتاجين نواكب التطور ونوفر ده على أي باد بشكل كويس، فالدعم ليس فقط للمجلة ولكن الدعم للفكرة بأرقام تحقق النجاح الذي نسعى إلى تحقيقه».
المصدر
تابع الشرقية توداي على جوجل نيوز 
