بالفيديو .. مبروك عطية لسيدة تشتكى خيانة زوجها: «وإنتي فاكرة لما تطلقي هتتجوزي عمر بن الخطاب»

أعادت صفحة «الأهلي اليوم» على «فيس بوك» نشر فيديو من إحدى حلقات برنامج «الموعظة الحسنة»، التي أذيعة على قناة «دريم» منذ عدة أسابيع، والذي يقدمه للدكتور مبروك عطية.

ويعرض الفيديو مداخلة هاتفية لسيدة تقول إنها «ذهبت لشقتها فوجدت زوجها مع عاملة تعمل لديهما في محلهما الخاص، وأغلقا عليهما الباب من الداخل».

وتشتكي السيدة لـ«عطية» من زوجها، الذي برر فعلته أن «العاملة كانت لديها مشكلة بينما كان يحاول هو حلها»، فسألها «عطية»: «هو اللي فتحلك ولا هي اللي فتحتلك؟»، فأجابت: «محدش فتحلي خالص»، فقال «عطية»: «أحسن علشان متوجعيش دماغك ودمغهم».

ثم سألها: «انتي أخدتي بعضك ومشيتي، إيش عرفك إن هما الاتنين جوه طالما محدش فتحلك»، فقالت إنها «عرفت من زوجها الذي قال لها: (أنا كنت معاها وكنت بحللها مشكلة)، فرد «عطية»: «طيب وماله وانتي مش مصدقاه، وعاوزة تتطلقي منه وانتي مخلفة منه، وتروحي تتجوزي واحد تاني معاه واحد وواحدة».

ثم أكمل حديثه: «السوق مش حلو يا هبلة، إنتي مفكرة إنك لما تطلقي منه هتروحي تتجوزي عمر بن الخطاب؟».

وأثار الفيديو تعليقات ساخرة على «فيس بوك»، وقال مستخدم اسمه أحمد محمد: «مسخرة بجد غلب عكاشة»، في إشارة إلى المذيع توفيق عكاشة، وقالت مفيدة توفيق: «إيه قلة الأدب دي، طيب ده بيتمسخر على واحدة، إيه دخل سيدنا عمر بن الخطاب في الكلام، ولو ده راجل بيتكلم في الدين يبقى ده أسلوب حل مشاكل».

بينما تعاطف آخرون مع «عطية»، وقال طه حمود: «دكتور مبروك رجل محترم ومن خيره علماء العصر»، وقال «أبوعبدالرحمن»: «الراجل كلامه صحيح لأن تهمة الزنا لا تثبت إلا بشهادة 4 شهود، هذا هو الدين الضحك مش في الدين الراجل بيتكلم دين، وكمان لازم يسمع من الطرفين ولا يحكم عند سماعة من طرف واحد».

https://youtu.be/n2l4pjrjnPk

المصدر