كشفت الإعلامية بسمو وهبة عن تفاصيل الأزمة الصحية التي تعرضت لها خلال الفترة الأخيرة التي تطلبت سفرها للخارج لتلقي العلاج، وذلك من خلال نشرها لمقطع فيديو على حسابها الرسمي بموقع التواصل “انستجرام”.
وأعلنت بسمة عن تعرضها لأزمة صحية وشلل عضلي بسبب حقن البوتوكس التجميلي، حيث قالت خلال الفيديو:
باختصار اللي حصل إني كنت من شهر تعبانة جدًا وماكنتش بعرف أفتح بوقي آكل ولا أدخل شوكة ولا حتى لقمة، وبالصدفة كنت موجودة في دبي رحت لدكتورة شاطرة جدًا هناك، والدكتورة قالتلي ده شلل عضلي وضغط ومحتاجة علاج طبيعي للفك..
وتابعت وهبة: بعد العلاج ماكنش فيه تحسن فرحت تاني ليها وكانت مستغربة لأني مش بعاني من ضغوط أنا طول الوقت بحب أضحك، وطلبت مني عمل منظار.
وأردفت: رجعنا لورا شوية وبعدين إفتكرت إني كنت عاملة حقن بوتوكس في منطقة الرقبة.. وللأسف دخلت على الأحبال الصوتية عملتلي الأزمة دي.
واستطردت: أنا مش هتكلم عن مين عملي كدة لأني رحت مكان موثوق فيه مش مكان رخيص وممكن أكون حالة حصل معاها غلطة، بس عاوزة أقول إن الناس بعد كده تاخد بالها واتقوا الله فينا.. الدكتورة دلوقتي نصحتني إني صوتي مايبقاش عالي وماعملش مجهود.
واختتمت الفيديو قائلة: أنا بطلب منكم تاخدوا بالكم وبطلب من اللي بتروحولهم ياريت تاخدوا بالكم وتتقوا الله فينا..
تابع الشرقية توداي على جوجل نيوز 
