فى احتفالية جوجل باتمام العام ال 18 على تأسيس الشركة أعلنت عن اطلاق تطبيق Allo للدردشة
التطبيق فيه كتير من مميزات التطبيقات المشهورة زى whatsapp , messenger وغيرهم بالاضافة لمميزات تانية يمكن تجعله أفضل منهم ..
كمثال ممكن تلاقى 5 أسباب لتفضيل Allo على whatsapp :
أولاً مساعد جوجل “google assistant” : تقدر تعمل search على أماكن , أشخاص , أكل ..كل ماتتخيله ..تقدر تقوله على فريقك المفضل وتطلب منه يعرضلك آخر أخباره أو اخر فيديو معين ليه ضمن التطبيق نفسه من غير خروج لأبلكيشن غيره .
مساعد جوجل تم ادخاله فى التطبيق لكن هو بالفعل خدمة منفصلة بتقدمها جوجل منافسة ل siri , cortana لكن لسة محتاج تطوير كبير علشان يقدر يدخل المنافسة صح ..وجوجل بتخطط لانها تضيفه فى google now فى android OS كمان ..
ثانياً خاصية ال smart reply : الخاصية دى بتحلل ال محادثة وتقترح عليك رد وطبعا دا هيوفر عليك جدا لو مش عاوز تكتب كتير أو لو هتسوق ومشغول يمكن تقدر تعمل محادثة كاملة فقط بال smart reply .. الجميل انه فى وقت قصير مع استخدام ناس هنود بيكتبو بالانجليزية و الهندية فى نفس الوقت قدرت الخاصية تتعلم اللغة وتقترحها عليهم !
ثالثاً ارسال رسائل SMS : لو بتستخدم whatsapp ومحتاج تبعت رسالة لحد مش عنده التطبيق هتحتاج انك ترسله رسالة SMS عادية وطبعا بتكون بتكلفتها .. الفرق هنا انك لو فى نفس الوضع هتقدر تبعتله رسالة نصية فعلا لكن بدون تكلفة ..
رابعاً ” incognito mode” : طبعا بالكلام عن الخصوصية اللى أصبح أهم حاجة دلوقتى ..جوجل بكل بساطة بتقول ان حفظ المحادثات عندهم مفيد للمستخدم ودا لتحسين خدمة ال smart replyy علشان تكون مفيدة أكتر وتتعلم أسرع وبكدا يكون واضح عدم اهتمامها بالدراما اللى شغالة دلوقتى على الخصوصية ..
لكن مع ذلك وجود ال incognito mode هيلغى تخزين المحادثات أو الرسائل على سيرفرات الشركة وكمان المحادثة هتتمسح عند مستقبل الرسائل بعد الوقت اللى هتحدده وهى مشابهة جدا لخاصية ال secret conversation فى تطبيق facebook messenger .
خامساً مميزات ال stickers , emotions , whisper/shout : طبعا دى من الحاجات اللى بتحبب الناس فى أى تطبيق فى Allo خاصية ال whisper/shout فى زرار الارسال تضغط وتعمل hold هتقدر تكبر الخط وتصغره حسب ارادتك كمان فى emotions كتير جديدة ومختلفة ..
فى المقابل فى حاجة ناس كتير جدا متعرفهاش فى whatsapp انك تقدر تغير ال font ويبقى italic عن طريق انك تحط “_” قبل وبعد الجملة المكتوبة كمثال _iTawy_
كمان تقدر تغير نوع ال font لنوع تانى بإنك تكتب الرمز ` 3 مرات قبل الجملة.
المصدر
تابع الشرقية توداي على جوجل نيوز 
