لبنى عسل تنهار من البكاء على الهواء وتكشف تفاصيل اللقاء الأخير مع وائل الإبراشي

انهارت الإعلامية لبنى عسل من البكاء على الهواء بعد التأكد من خبر وفاة الإعلامي وائل الإبراشي، والذي رحل عن عالمنا اليوم الأحد بعد صراع طويل مع المرض بسبب إصابته بفيروس كورونا، عن عمر ناهز الـ59 عاما.

لبنى عسل تكشف تفاصيل اللقاء الأخير مع وائل الإبراشي

وكشفت الإعلامية لبنى عسل تفاصيل اللقاء الأخير لها مع “الراحل الإبراشي”: “أنا شوفته واتكلمت معاه في الوقت اللي كان فيه في المستشفى، لأن الفترة الطويلة اللي كان فيها في المستشفى كان ولدي الله يرحمه في نفس المستشفى ونفس الدور، وساعتها طلبت إني أطمن عليه”.

وأردفت: “قالولي وقتها أنه مش عايز يشوف حد ومش عايز يكلم حد، ومتضايق من من شائعات وفاته، والدكاترة قالوا لي نفسنا حد يتكلم معاه ونطلعه من الحالة دي، ودخلوا له وأنا كنت واقفة على الباب برا وسمعته بيزعق بيقول أنا مش قولت مش عايز أشوف حد”.

وأضافت: “لما عرف إني أنا اللي برا سمحلي أدخل، كان موجود على جهاز تنفس والرئة كانت تكون مدمرة تماما ونسبة التليف عالية جدا، وهو كان بطل ومقاتل ضد المرض لأن الوضع كان صعب جدا”.

شاهد تعليق مؤثر من عمرو أديب على وفاة وائل الإبراشي

وتابعت: “كان مشغل البرامج بتاعتنا ومتابعها، ومن البرنامج ده للبرنامج ده، وقولت له ساعتها إيه ده ريح دماغك شوية من الهم والمشاكل والأخبار، قالي مقدرش وهشوف وقريب هرجع، وسألني إيه الأخبار”.

واستكملت “عسل”: “كان يشيل ماسك الأكسجين ويتكلم كلمتين ويرجعه تاني لأنه من قادر، ومصر على كده لأنه عايز يتكلم، وسألته تحب أقول للناس حاجة عنك، قالي أنا لا عايز حد يتكلم عني ولا حد يقول أخبار عني، أنا بتكلم معاكي بشكل شخصي”.

وقالت: “اللي كان فيه الإبراشي كان عبء كبير أوي لأنك لما تكون مش قادر تاخد النفس شيء مؤلم وصعب وقاسي، ونحمد ربنا على الصحة اللي احنا فيها، والله يرحمك يا وائل الإبراشي، وهو دلوقتي بين أيدي الله الرحمن الرحيم”.

محمد شردي يبكي على الهواء بعد وفاة وائل الإبراشي

كما بكى الإعلامي محمد شردي بعد أن أخبرته الإعلامية لبنى عسل بخبر وفاة “الإبراشي”، وقال:”الخبر بالنسبة لي خبر زي الصاعقة، لأن وائل صديق عزيز جدا وأنا أعرفه من 35 سنة، واحنا فقدنا إعلامي من الإعلاميين المحترمين جدا، وصحفي كان قلمه من أحلى الأقلام”.

وأضاف “شردي”: “وائل الإبراشي كان تعبان جدا بسبب الكورونا، والكورونا أصابت صدره إصابة فادحة للغاية، وأنا متأكد أن وائل استريح من الألم، واستريح لأنه كان بيتفرج علينا كلنا وبينتظر اليوم اللي يرجع فيه للشاشة من تاني”.

ووجه رسالة للراحل وائل الإبراشي: “يا وائل انت في مكان أحسن بكتير، وربنا يجعل كل اللي انت اتعرضت له في الأيام الأخيرة في ميزان حسناتك، الله يرحمك صديقنا العزيز وأخونا وزميلنا”.

نقيب الإعلاميين يكشف مفاجأة في مكالمته الأخيرة مع وائل الإبراشي

شاهد لبنى عسل تنهار من البكاء على الهواء وتكشف تفاصيل اللقاء الأخير مع وائل الإبراشي

تابع الشرقية توداي على جوجل نيوز