“ألف جنيه للجرام”.. رئيس شعبة الذهب يفجر مفاجأة بشأن ارتفاع سعر المعدن الأصفر (فيديو)

قال الدكتور وصفي واصف، رئيس شعبة الذهب بالغرفة التجارية بالقاهرة، أن هناك عدة أسباب تتحكم في سعر الذهب عالميا ومحليا، قائلا: “كل العوامل العالمية يكون لها مردود على سعر الذهب، وكل دولة عملتها بتتذبذب ما بين زيادة ونقصان مقابل العملات الأخرى، ولكن الذهب السلعة العالمية اللي في أي دولة اللي تقدر تسيلها لعملة الدولة نفسها”.

تكفلة استخراج الذهب مرتفعة جدا

وأضاف “واصف” خلال مداخلة هاتفية ببرنامج “المصري أفندي” المُذاع عبر فضائية “المحور”: “الذهب مش سمك بنرمي الشبك في البحر ويطلع، لا الذهب له مصاريف استخراج، ومصاريف الاستخراج عالية جدا، لدرجة إن لما يكون في منجم اتقال إن في ذهب، ويطلع من المنجم ده 6 جرام في كل طن يبقا ده منجم واعد”.

واستكمل رئيس شعبة الذهب: “علشان تستخرج الـ6 جرام، لازم تعمل العمليات الكيميائية على الطن كامل، علشان كده عمليات الاستخراج مكلفة جدا”.

وعن تذبذب الأسعار، قال واصف: “الحالة الاقتصادية منذ بداية أزمة كوفيد 19 لم تعد كسابق عهدها، وفي نفس الوقت إن الأسعار لما تزيد يزيد الإقبال على الشراء، واللي عنده دهب بيخزنه” لافتا أن حديثه ليس على استثمارات الأفراد ولكن على استثمارات دول وصناديق سيادية ضخمة.

الذهب استثمار آمن قابل للزيادة

ووجه نصيحة للمواطنين: “الاستثمار في الذهب استثمار آمن قابل للزيادة لكن كل إنسان يرجع لنفسه، يعني لو الاستثمار بمبلغ زائد عنده يبقا في الحالة دي هيقدر يحدد امته يبيع وامته يكسب، لكن واحد عنده مبلغ محدد ويستثمره في الذهب، وبعد كده يحتاج المبلغ ده، هيبقى غصب عنه هيبيع الذهب بأي سعر في التوقيت اللي محتاج فيه الفلوس”.

وأوضح: “أي حد اشترى ذهب وعايز يكسب فيه لازم يخزنه لمده لا تقل عن 3 سنين، وهيحقق عائد أكبر من عائد البنوك”.

“ألف جنيه للجرام”.. رئيس شعبة الذهب يفجر مفاجأة بشأن ارتفاع سعر المعدن الأصفر

وتابع الدكتور وصفي واصف، رئيس شعبة الذهب بالغرفة التجارية بالقاهرة: “عيار 24 مش هيكسر ألف جنيه، لكن هيقترب من 1000 جنيه مع نهاية العام، بالتزامن مع ارتفاع سعر الأوقية عالميا”.

تابع الشرقية توداي على جوجل نيوز