انتشرت خلال الساعات القليلة الماضية، أنباء عن إصابة الفنانة القديرة عبلة كامل بمرض السرطان، وتداول رواد موافع التواصل الاجتماعي عن تأخر حالتها الصحية، وسط صمت تام من الفنانة عبلة كامل وعدم الخروج لتوضيح حقيقة الأمر للرأي العام، مما تسبب في زيادة انتشار تلك الأنباء.
ولكن حسما للجدل، خرج الكاتب والسيناريست بلال فضل برسالة أرسلتها له الفنانة عبلة كامل، لتطمئن جمهورها في الوطن العربي ومصر على صحتها بعد انتشار شائعات عن تدهور صحتها نتيجة معاناتها من مرض السرطان.
تعليق الفنانة عبلة كامل على شائعات مرضها
حيث جاء منشور بلال فضل، بالتالي: الفنانة الكبيرة الأستاذة عبلة كامل طلبت مني أوصّل الرسالة دي لعلها توصل لأي حد بينشر إشاعات عن حياتها وصحتها: عيب، والله العظيم عيب، لو الناس مش هتتقي ربنا وتخاف منه في وقت زي ده هتتقيه وتخاف منه امتى؟
وتابعت “فضل”: وإيه اللي هيستفيده إنسان من إنه يقلق حياة الناس بكلام كذب، بيدعي إنه بينشره لإنه محب أو معجب، أنا اخترت نمط حياة سعيدة بيه وراضية عنه، وما عنديش أي حسابات على السوشيال ميديا ولا هيبقى عندي في أي يوم من الأيام، ولا باتابع السوشيال ميديا ولا بانشر عليها أي شيء من أي نوع ولا مهتمة بده”
وأردفت: “أتمنى اللي يشوف حساب منسوب ليا يساهم في قفله باللي يقدر عليه والحساب اللي عاملاه واحدة بتدعي إنها بنتي مالوش أي علاقة ببناتي فاطمة وزينب، وكل اللي بيتنشر فيه كذب، والكلام اللي اتنشر في هذا الحساب عن إني مش فخورة بفني وبشغلي كله كذب وافترا، والحمد لله أنا في أحسن صحة وعافية”.
واختتمت قائلة: “باشكر الناس الطيبين كلهم على محبتهم وتقديرهم اللي أنا ممتنة ليها وباحمد ربنا عليها، وربنا يتقبل دعواتكم الجميلة ليا ويخلي لكم حبايبكم”.
تابع الشرقية توداي على جوجل نيوز 
