توك شوثقافة و فنسلايد

رسالة نارية من عمرو أديب لمحمد رمضان عقب وفاة الطيار محمد أبو اليسر

رسالة نارية من عمرو أديب لمحمد رمضان
عمرو أديب

علق الإعلامي عمرو أديب خلال حلقة اليوم من برنامج “الحكاية” المذاع على قناة “أم بي سي مصر” ومنصة شاهد الإلكترونية، على وفاة الكابتن طيار أشرف أبو اليسر، صاحب الأزمة الشهيرة مع الفنان محمد رمضان.

وقال أديب ساخرا ومستنكرا من ردور أفعال الفنان محمد رمضان تجاه مشكلة الكابتن الراحل: يا محمد يا رمضان أنت لازم يكون ضميرك مستريح، انت مش لازم تكون متضايق خالص هتضايق ليه.. يا راجل الناس مش عارف عايزة منك إيه.. ده انت كنت بتاخد بالك من الراجل على طول.. اترفد من شغله كنت متابعه ومهتم بمشكلته.. ولما اتنقل المستشفى واتقهر كنت على طول معاه.. زي م سألت عن الشاب اللي فرقعت فيه القنبلة وقت الإعلان.. ما انت راجل يا محمد وطول عمرك راجل.

وأردف “أديب”: انت في الايام المبروكة دي الناس في مصر كلها دعت عليك دعوات ربنا يجعلها من نصيبك،، وانت هتشوف يا محمد بركة الدعاء من الناس دي لان انت راجل جدع وعمرك ما عملت حاجة وحشة.

واستكمل: أنا قولتلك بعد فيديو رمي الفلوس ربك مش هيسيبك، ربنا هيجازيك، والنهاردة مصر كلها كانت رافعة أيدها للسما وبتقول يا رب محمد رمضان.

وتابع: المشهد بتاع الطيار وهو بيموت في المستشفى مش هيضايقك كتير تقدر تركب طيارتك وتلف لفتين وإن شاء الله ابقى قابلني لو قدرت تنسى المشهد ده، ربنا كبير وخليك فاكر، نفسي تقرأ التعليقات اللي الناس كتبتها عنك النهاردة، والله أنا قاعد أقرأ التعليقات الجميلة لغاية ما قفلت التعليقات من كتر شكر الناس فيك.

واختتم أديب قائلا: يالا يا محمد روح أعملي فيديو جديد، وأنا هرفع عليك قضية جديدة

أحمد سمير

أحمد سمير حاصل على بكالوريوس إعلام جامعة الأزهر .. أعمل بمجال الصحافة منذ عام 2015 .. عملت في موقع الشرقية توداي كاتب صحفي .. وصحفي فيديو .. وحاليا محرر صحفي .. عاشق للتصوير والمونتاج والإخراج
زر الذهاب إلى الأعلى