“زوجات ضباط الشرطة” تمنح مروى شهادة تقدير لدورها في رفع الروح المعنوية للضباط.. ونشطاء: دي ترفع الروح ثورتين قدام
ناشط: مفيش كلب ييجي يقولي بعد كده الروح المعنوية للضباط انخفضت بعد الثورة- تعليق : خايف الداخلية تفوق علينا.. وطالب يطالب الوزارة بالاستعانة بها في المدارس.. وثالث :أوهى تكون غنت مابتعرفش
- عاجل ارتفاع نسبة الإقبال على كلية الشرطة بشكل غير مسبوق بعد رفع الفنانة مروى لمعنويات الظباط
كتب – أحمد رمضان:
تداول نشطاء على موقع التواصل الاجتماعي “فيسبوك” صورة للمطربة اللبنانية مروى, عقب استلامها شهادة تقدير من جمعية رابطة زوجات ضباط الشرطة, و حمل في يدها الأخرى جائزة الجمعية . وتظهر مروى في الصورة وهي تحمل شهادة تقدير زوجات الضباط وفي اليد الأخرى مصحف و جائزة حصلت عليها
وجاء في شهادة التقدير التي حصلت عليها المطربة مروى : ” شكر وتقدير للمطربة مروى, وأسمى آيات الشكر والتقدير والعرفان على جهودها لرفع الروح المعنوية لجهاز الشرطة .. وفقكم الله وحفظكم للوطن ” .
وأثارت الصورة موجة من التعليقات بين مستخدمي تويتر وفيسبوك :
– هيا رفعت الروح المعنوية للشعب كله صراحة ربنا يهديها
– أنا عايز أقدم طلب إحاطة في مجلس الشعب عشان أعرف مروى “رفعت” معنويات الظباط إزاي؟؟ بما لا يخالف شرع الله؟؟
– الكلب اللي هيطلع في التليفزيون ويقولي الشرطة معنوياتها بعد الثورة والكلام دا هقوله اسكت مروى رفعت معنويات ثورتين قدام
– نفسي وزارة التعليم العالي تكرم الفنانة مروى لرفعها الروح المعنوية للطلبة ! :D
– يعني لو واحد قال إن زوجات ضباط الشرطة يكرموا مروى بمصحف على رفع معنويات أزواجهم كان هيبقى إفيييييه جامد، طب لما يحصل فعلا.. الواحد يقلش عليه إزاي؟
– مروى بترفع الروح المعنوية للشرطة أنا عايز أسأل سؤال لولبي رفع الروح المعنوية بس ولا حاجة تانية !
– كل ما أجي افتح صورة مروى اللي بترفع فيها الروح المعنوية الجهاز بيهنج ويقفل D: .. حتى الجهاز مش مستحمل
– عاجل: ارتفاع نسبة الإقبال على كلية الشرطة بشكل غير مسبوق بعد رفع الفنانة مروى لمعنويات الظباط
– تقريبا الداخلية هتفوق علينا.. بعد رفع معنوياتهم بمساعدة الفنانة كبيرة الموهوبة مروى.. أكيد غنت لهم أنت مابتعرفش
المصدر: البديل
تابع الشرقية توداي على جوجل نيوز
