سبايدر يعاتب العسكري بعد الإفراج عن المتهمين الأمريكيين: ما خلتش لينا كرامة ولا عين نرفعها في “عيال 6 إبريل”
– احنا مكسورين ومحبطين.. و6 إبريل والوطنية للتغيير بيتريقوا علينا “تريقة السنين”
– سبايدر للعسكري: لو كنا نزلنا ضدك زيهم كنت قدرتنا.. ولما مش هتقبض علي الناس دي دلوقتي هتقبض عليهم لما تسيب السلطة؟
كتب- محمد العريان:
عاتب المطرب أحمد سبايدر المجلس العسكري بسبب الإفراج عن المتهمين الأجانب في قضية التمويل الأجنبي، قائلا “احنا مكسورين ومحبطين والمجلس العسكري ما خلاش لينا كرامة ولا حتي عين نرفعها في عنين العيال بتوع 6 ابريل”.
وقال سبايدر المؤيد للمجلس العسكري علي صفحته الشخصية علي “الفيس بوك”: ” 6 ابريل والوطنيه للتغيير بيتريقوا علينا على تويتر تريقة السنين بعد مغادرة نشطاء التمويل لدرجة ان باسم سمير بيغني لفايزة ابو النجا وبيقولها دخل بتاع التمويل وانا نايمه شوف قلة أدبه خرج وانا نايمة شوف قلة أدبه، ليهم حق يشمتوا اكتر من كدة، من الأخر المجلس العسكرى ماخلاش لينا كرامه ولا حتى عين نرفعها فى عينين العيال دى من الاخر يا مجلس ياعسكرى لو كنا نزلنا ضدك زيهم كنت قدرتنا عن كدة”.
واختتم سبايدر تدوينته قائلا : “أخر حاجة هسألها للمجلس العسكري لما مش هتقبض عالناس دى دلوقتى عاوز تقنعنى انك هتقبض عليهم بعد ماتسيب السلطة، من الأخر يا مجلس يا عسكرى خساره صوتنا اللى اتنبح مع الناس الفترة اللى فاتت واحنا بندافع عنك، احنا مكسورين ومحبطين بجد، ومتأكدين كمان أن مش هيحصل حاجه مع ممدوح حمزة @شكرا يا مجلس يا عسكرى@”.
المصدر: البديل
تابع الشرقية توداي على جوجل نيوز
