زوجة الشهيد أحمد الشبراوي تعلق على ضبط الإرهابي هشام عشماوي وتطرح حل للقضاء على الإرهاب

كتب | أحمد الدويري

أثار خبر ضبط السلطات الليبية للإرهابي المصري «هشام عشماوي» ضجة وفرحة كبيرة على مواقع التواصل الإجتماعي، لما يمثله هذا الإرهابي من خاطر كبير ، ولأنه كان جزء من منفذي أحداث إرهابية عدة راح ضحيتها عدد من رجال مصر.

وقد علقت زوجة الشهيد أحمد الشبراوي، شهيد الشرقية قائلة: على قد مافرحت بخبر القبض على هشام عشماوى على قد ماحزنت لما لاقيت باقى الامهات والزوجات عمالين يطالبوا باعدامه وان ده اللى هيشفى غليلهم .

وتابعت: المشكله مش هشام عشماوى المشكله فى فكر هشام عشماوى اللى زرعه فى كتير اللى نفذ مكنش هو بس اللى استدرج هشام عشماوى أصلاً من الأول اللى ساعده فى تنفيذ جرايمه، هشام عشماوى لازم يتعصر حته حته ويتعرف منه كل كبيرة وصغيرة ومين معاه ومين ساعده وإزاى بيشتغلوا .

وأكملت: ولا مليون واحد زى عشماوى يعوضنى ضافر أحمد، ولا إعدامه هيرجعه ولا يشيل وجع قلبى بس اللى ممكن فعلاً يريح جزء منى إنى مصحاش كل يوم على خبر استشهاد ظباط أو عساكر جدد إن سينا تبقى أمنه وأروح أزور مكان استشهاد جوزى، إننا فعلاً نشوف حل جذرى لكل خاين جوه سينا او خارجها إزاى نقطع عليهم الطريق لو بالتهجير للمناطق الصعب السيطرة عليها ناخد قرار صعب، مهما كلفنا ده لأن مفيش حاجة فى الدنيا أغلى من دم حبايبنا وإخواتنا اللى بيروحوا كل يوم.