انا بقالى اسبوع بحاول استكشف سبب الازمة المرورية اللى موجوده فى الشارع ، وكل ما امشى فى شارع يكون فية زحمة يكون السبب الاول ان فى وحدة ست بتسوق عربية ومحتاسة فى دوران مش عارفة تعدى او وحده تانية خبطة عربية واكبر دليل على كلامى لو ركزنا مع معظم العربيات اللى ركباها ستات هنلقى الاكسدام الامامى مخبوط واللى فاهم فى السواقة هيفهم كلامى كويس وعشان كده حبيت اقول كام نصيحة ممكن تساعد فى حل الازمة المرورية .
1_ دايما بشوف ان الستات بتمسك الدريكسون باليدين وده بيخليها ترتبك وخصوصا لو كانت العربية مش اوتوماتك
2_ فى الطريق مافيش حد بينتظر حد يعنى لو حضرتك وقفة فى دوران ومستنية الناس تقف عشان تعدى دة مش بيحصل للاسف عشان كده لازم تمدى راسك بلغة السواقة عشان مش تننتظرى كتير لان ده بيسبب فى ازمة مرورية خصوصا فى الشوارع الضيقة .
3_ اول حاجة بيتعلمها السواق انه لازم يكون جرىء وقلبة جامد وللاسف ده مش موجود فى كتير من النساء .
4_ فى السواقة لازم يكون القرار سريع وكمان لازم يكون القرار واحد يا يمين يا شمال .
5_ تعودى انك تشوفى الطريق من المرايات مش تفضلى تتلفتى لان ده هيخليكى ترتبكى اكتر .
6_ لازم تحفظى ابعاد العربية بتعتك لان ده هيخليكى فى الزحمه تقدرى تحددى المكان اللى هتمشى فية .
7_ بلاش تسوقى فى الاوقات والاماكن اللى فيها زحمة لو كنتى لسة مش عندك خبرة كبيرة فى السواقة لان ده هيتسبب فى ازمة
وفى النهاية اتمنى السيدات اللى بتسوق عربيات مش يزعلو لان ده انا رصدته بعينى على مدار اسبوع وفى اماكن متفرقة والهدف من المقال هو الحفاظ على حضرتك وكمان الحفاظ على سير العملية المرورية فى الشارع .
مقالات الرأي تعبر عن وجهة نظر صاحبها ولا تعبر بالضرورة عن الشرقية توداي
تابع الشرقية توداي على جوجل نيوز 
