نفى الفنان حسن الرداد الشائعات الكاذبة المتداولة بشأن وفاة والدة زوجته الفنانة القديرة دلال عبد العزيز.
تعليق حسن الرداد على خبر وفاة دلال عبد العزيز
حيث نشر حسن الرداد عبر حسابه الرسمي على موقع “تويتر” تكذيب لكل تلك الشائعات، وقال: “ياريت المواقع الصحفية اللي بيكتبوا أي أخبار عشان يعملوا نسب مشاهدة ارحمونا شوية وراعوا مشاعر الناس”.
وأضاف: “وعيب على المواقع الكبيرة اللي تناقلت الخبر واللي أصبحت بالنسبة لي صحافة صفراء، ليس لها قيمة وجه يتقيئ، فالخبر المنشور عن حماتي #دلال_عبد_العزيز غير صحيح”.
كما حرص الإعلامي رامي رضوان زوج الفنانة دنيا سمير غانم على نفى خبر وفاة حماته دلال عبد العزيز، حيث قال عبر حسابه الرسمي على موقع “فيس بوك”: “بكل هدوء، أنا رقمي مع طوب الارض، ومافيش رئيس تحرير ماعوش تليفوني ومايعرفنيش شخصيا، وتقريبا مافيش صحفي ماعوش تليفوني، بأي منطق او عقل او انسانية او مهنية ينزل خبر زي ده بدون تحقق؟!”.
واستكمل: “جنسه ايه ودماغه فيها ايه اللي قرر ينزل إشاعة ملعونه زي دي؟ طب راعوا الظروف المؤلمة اللي عايشنها بقالنا شهور دلوقتي. طب راعوا ضميركم، طب راعو مهنيتكم، طب راعوا انسانيتكم، طب راعوا اي حاجة، انا قلت قبل كده وهقولها تاني ويا رب تحوأ المره دي، خلوا الإنسانية والضمير الإنساني والصحفي يسبق “اللهث” وراء السبق واللايك والشير في كل ما يخص ارواح الناس..وفي اي خبر”.
وأضاف: “الواحد مابيتمناش غير كل الخير للناس. بس فاض الكيل، يا رب كل واحد نشر الخبر الزبالة ده يشوفه في حبايبه 😘، وللسادة رؤساء التحرير..نقوا صحفيينكوا، ايه القرف ده”.
تابع الشرقية توداي على جوجل نيوز 
