مقالات

ضياء غنيم | يكتب : عاطل وبيماطل

ضياء غنيم
مش لاقي شغل وحالتي حالة ، هو فى شغل اصلا
طب قدمت فى مسابقة كذا وكذا وكذا ؟ ياعم الناس اتعينت خلاص دى ماشية كوسة.
ده الحوار المعهود مع نسبة كبيرة من الشباب واللى انا واحد منهم طبعا ، وبناء عليه اهم قرار للشاب ده ينزل من بيتهم متشيك (على سنجة عشرة) .
رايح فين يا بني
نازل اقعد على القهوة اصل ما فيش شغل
وكالعادة نهاية اى مناقشة فى الموضوع ده
يا عمي (ان فاتك الميري اتمرمغ فى ترابه)
الغريب فى الامر ان المثل ده لا يمت باى صلة لموضوع الوظايف الحكومية زى ما هو معروف مابينا ، المعني الحقيقي للمثل ده يرجع لعصر الاحتلال الروماني لمصر ، وكان اصله (ان فاتك المير(ه) اتمرمغ فى ترابه) والميره ده اللى هو القمح ، لانه كان محظور على الفلاحيين الانتفاع باى جزء من القمح اللى فى صوامعهم بس المتاح انه الفلاح بعد ما الصوامع تصبح خاوية من القمح وتبدأ رحله البحث عن بواقي القمح جواب تراب الصوامع .

وأصبح المعني المتداول لدينا هو ان فاتك الميري (الوظيفة) اتمرمغ فى ترابه
حتي لما بنعمل القياس او التشبيه بوظيفة على مزاجنا ده طبعا لاننا شعب عبقري جبار ، طب ليه ما يبقاش المثل بالشكل ده (ان فاتك الميري انفض عنك ترابه)
حقك تتوظف ؟
أكيد
اللى بيتوظف مش احسن مني ؟ طبعا مش احسن منك ، بس السؤال انت عملت ايه عشان تبقي احسن من اللى بيتعين ؟ والسؤال الاهم هو الشغل فى الحكومة هو المجال الوحيد ليك .

والاهم من كل ده ليه لازم نخلق الشماعة اللى بنعلق عليها اخطائنا وتقصيرنا فى حق انفسنا
شماعة الحكومة ، شماعة الظروف ، شماعة الفقر ، شماعة العيب ، شماعة البريستيج
ولو مشينا بنظرية الشماعة طبيعي لازم هنوصل لطريق مسدود ، صديقي الشاب أحب اقولك ان نظرية الشماعة هى اولي خطواتك على طريق الفشل .

خلونا نعدل المثل ونخليه ان فاتك الميري … انفض عنك ترابه

الآراء المنشورة تعبر عن وجهة نظر صاحبها ولا تعبر بالضرورة عن رأى الشرقية توداى 

زر الذهاب إلى الأعلى