ليه يمنعك حاجز وسور؟
لما انت شايف وبعينــيك النور؟
لما انت قادر تحكم النفس الجموح
وتفسّر الحلم بطموح
والفال على لسانك صديق
يفضل معاك لو فين تروح
ولا يبقى ليك إحساس بضيق
طول اما صدرك زي سجن
وبيحمي قلبك زي أب وف حضنه ابن
ويخاف عليه من غدر عاوز يكسره
فيأدبه , ويعلمه , ويحذره
إياك يا بابا تشوف بقلبك قبل عقلك
إياك تصدّق ان قيمتك هي شكلك
مش بالمظاهر يصبح الإنسان بشر
ولا حد يعرف فين وامتى من القدر
بس الحقيقة الثابتة ان الكون
ليه رب واحد امره (كن) ويكون
وانت الخليفة اليوم وليك الدور
بقلم \ عبد الله اسماعيل
مقالات الرأي لا تعبر بالضرورة عن راي الشرقيه توداي
تابع الشرقية توداي على جوجل نيوز 
