عمرو أديب يستنكر قرار التصريح بموائد الرحمن: «أموت وأشوفه اللي عمل القرار»

وقال أديب، في برنامجه «كل يوم» المذاع على قناة «ON E»:«لأول مرة في تاريخ مصر طلع إن أنت لازم تاخد تصريح عشان تعمل موائد الرحمن، وله 5 قواعد، وأنا أظن إنه ناس كثيرة مش هتعمل موائد رحمن بسبب الموضوع ده

وأضاف: «أنا شخصيا اتسدت نفسي ومش عايز أعمل مائدة الرحمن»، لافتًا إلى أن القرار يشير إلى وجود مفتشين لمراقبة موائد الرحمن، فتهكم أديب على الأمر وطلب بأن يكون لهم الزي الخاص بهم.

وتساءل: «إيه اللي أنتم بتعملوه ده، البلد اتظبطت ومفيش غير مائدة الرحمن، روح هات الأرض المغتصبة الأول وبعدين نحط عليها موائد الرحمن».

واستكمل: «طيب هسأل سؤال بقى، شوفت بقى أنا المصري الجن ماخدتش تصريح وعامل مائدة رحمن، لو دكر أنا مش هكلمك، هجوم، شيل طبق من قدام واحد بيفطر، ده أنا أقطعك، ده أنا لو جيت عمرو أديب شيلت طبق الشوربة من إيدي هقطعك».

وقال: «ارحموا الناس، يا ريت السنة كلها تبقى موائد رحمن»، متسائلًا عن الشخص الذي سيلتزم بالحصول على تصريح لإقامتها، لافتًا إلى أن مصر تتميز في شهر رمضان بإقامة موائد الرحمن في شوارعها لإفطار الصائمين.

وأضاف: «أموت وأشوفه اللي عمل القرار، هل فيه لجنة قعدت وعملت اجتماع؟».