اتعلَّم تخطط قبل ما تبدأ تنفيذ الحياة مع التخطيط هتكون أكثر تنظيمًا و هتساعد تعرف بطرق عملية.
حققت قد ايه من اللي عايز تحققه ، الحياة من غير تخطيط بيكون فيها التخبط و التأجيل و الكسل أكتر لأن ببساطة متعرفش هتوصل للي عايز توصله ازاي اتعلموا التخطيط هيساعد تنجحوا ؛علشان تبدا تخطط لحياتك.
مهم تحدد هدف عايز توصله ممكن يكون هدف مش بالضرورة الهدف من حياتك نفسها ، مثال : أنت في شغل و عايز تترقي ده يعتبر هدف مرحلة إنما هدف حياتك انك تكون مثلا يكون عندك في المستقبل شركة و هكذا قيس ده بقي علي حاجات تانية.
علي نفس المثال اللي فوق ، ابدأ فكر ايه اللي مفروض يكون متوفر عندك علشان تحصل علي الترقية دي ( مهارات معينه ، علاقات ، تارجت مطلوب منك ) .
لو في حالة المهارات دي موجودة عندك بالفعل ده هيكون كويس و هيسهل عليك كتير ، و لو مش عندك بقي هتبدأ تحدد خطوات تساعدك تنمي المهارة دي هنقول مثال ، علشان تترقي محتاج تكون بتعرف تعمل presentation ف هتفكر بقي ازاي تتعلم ده عن طريق إنك تأخذ كورس يساعدك أو تطلب مساعدة حد من صحابك أو من خلال YouTube.
مهم تكون عارف انك علشان تترقي لابد ان يتوفر عندك المهارات المطلوبه و كمان تسال نظام الترقية في الشغل بيتم إزاي و كل قد ايه و كل يوم حدد حاجات تعملها تساعدك يوصل لهدفك.
خليك مركز و محافظ علي حماسك و إصرارك لتحقيق هدفك اليومي اللي هيساعد للوصول لهدفك المرحلي ، هيقابلك ناس محبطين هيأخذوا من الطاقة بتاعتك اتعلَّم تكون مرن ، ليه تكون مرن لأن أوقات تتحدد حاجات معينه تعملها في يومك و تلاقي حاجات تحصل كده مكنتش عامل حسابك عليها ف ركز انك تكمل و متوقفش الخطة .
مش لازم تعرف كل اللي حواليك انت بتعمل ايه اشغل وقتك في التركيز، مهم تعرف أهمية تحقيق الهدف ده بالنسبالك ، و ياترا لما يتحقق هيفرق معاك في ايه ؟! «علاقاته بالخطوات اللي بعد كده».
اعمل حاجات تفرحك و تساعدك تفضل مكمل و جرب تساعد غيرك هما كمان يحققوا اهدافهم.
تابع الشرقية توداي على جوجل نيوز 
