مقالات القراء | دكتور أحمد عوض بيصار يكتب : فى رثاء الضاحك

وتبدأ حكايتى
زمانى بقوللك
ياعامر كلامك يجيبلى حنين
وشوق لأجل وطنى 
بتبدأ حكايتى
معاك أصلى بضحك
وبفرح لقولتك
مواطن شريف
زمانى زمانك
زمانك مكانك
فى ميت ألف صفحة 
فى عمرك يابلدى
فى كل الحكاوى
وكل القهاوى
كلامك رزين
كلامك بيقنع
يوعى ويشرح
زمانك ده ايه
وميت ألف عام
ما بعد الزمان
أقولك يا مصر
أصل الكلام
جلالتك ياعامر بتحكى الكلام
كلامك عظيم
نكاتك بتبكى
تقوللى انت فين
ماتلزم كلامك
وتلزم مكانك
لأجلك ياعسكر
أبيع الميدان
وأبيع أهل وطنى
بشنطة دولار
وأذكر كلامك ياعم انت فينك
تقوللى مواطن شريف
مواطن عفيف
يبيع الرغيف 
عشان الرغيف
براجع كلامك
عن كل أزمة
عن كل ديقة
أهلل لوكسة
وتصبح مصيبة
بلادى تولول
أنادى وأدور 
وأقوللك ياعامر
فينك ياكاتب
ياساخر زمانك
وعارف كلامك
جلالتك ياعامر
يامالك قلوبنا
مالك عقولنا
بحبة كلام
تقوللى أنكت
ده أصلى يبكت
وبختك يامصر
مايل تملى
وكل العباد
بينسوا نفوسهم
بيقسو وباقى
كلامهم نكات
أقوللك دى نكتة
تقوللى ومالها
أجيبلك يانكتة
كلامك ياعامر
بميت ألف نكتة
فى ظل المحازن
وظل المآسى
بنقرى كلامك
وننسى همومنا
وتقسى قلوبنا
لعمر الزوال
وراحوا ينادوا
لبعد الزمان
شهدا ومشايخ
ماتو تملى 
فى عز الزحام
طلعتلهم جلالتك
تضحك تبكت 
تقول ياكلام
نقوللك سلام
وفيس بوك ضلم
تويتر بيبكى
كلامك ياعامر
وميت ألف شير
وكام صفحة كانت
وفان بيدج جامدة
تشير كلامك
وتنشر نكاتك
وخفة حلاوتك
ياكلمة تخفف
مآسى تقاسى
قلوبنا تملى
فى عز الظلام
وعز الفساد
تحارب بنكتة
وتنده تملى
شبابك يابلدى
يحبوا التفاؤل
وتصحى ابتسامتك
ووشك بشوش
وضحكة لقلبك
تخفف هموم
جلالتك ياعامر
بننعى سيادتك
ونبكى لنكتة

بقلم : د.احمد عوض بيصار

(( جميع ما ينشر على الموقع من مقالات القراء تعبر عن رأي صاحبها ولا تعبر عن رأي الموقع ))