مقالات القراء

مقالات القراء | دكتور شريف حجازى يكتب:ارحمنا يا برادعي .. هو مفيش غيرك .. ؟

صورة Eman Salem Eman Salemيناير 2, 2012 - 10:26
33 3 دقائق

28638 123644650998846 100000599363551 209619 5482906 n
انت عايز ايه بقا يا برادعي !! .. يعني اتبهدلت واتشتمت وكرامتك بقت في الارض وانت مُصر تحكم مصر بردو .. ليه بقا الاصرار الكبير ده .. هو انت للدرجادي بتحب مصر .. 

مش كفايه ضربت العراق ومفتشتش في اسرائيل وبتساعد ايران .. لا سوري ده الكلام اللي كان بيقولو عليك الحزب الوطني وامن الدوله وانا طبعا لازم اصدقهم .. 

وبعدين الرئيس لازم يكون ليه كاريزما .. اه عشان يعرف يضحك علينا كويس .. احنا ميهمناش فكره ولا تعليمه ولا ثقافاته المتعدده .. اهم حاجه بيلبس ايه وهيضحك علينا ازاي .. 
وكمان الناس بتقول عليك عم شكشك وانك بتهته وبيضحكوا عليك .. طبعا لان ده من تعاليم الدين بتاعنا اننا نهزأ اي حد مش عاجبنا .. بس انا كمسلم تعاليم ديني مش كده وانا مش هقدر اقول زيهم .. 

اه صحيح ده انت طلعت ليبرالي علماني امبريالي وعايز تقلع امي الحجاب .. مالك انت بقا ومال امي .. وفاكر اني هصدقك بقا لما اشوفك بتصلي وتقول انك بتحترم الشريعه وانك تريد الاصلاح للبلد .. 
وبعدين رئيس الجمهوريه ده اللي هيبقا رئيس السلطه التنفيذيه يعني لا قدر الله حتى لو جيت مش هتقدر تعمل حاجه غير الاصلاح اصلا .. اوعي تكون فاكرني خايف منك .. مجلس الشعب المسلم بتاعنا هو اللي هيقولك تعمل ايه وكمان يراقبك ولو غلطت ممكن يشيلك كمان .. ده احنا بعد الثوره .. 

وبعدين يعني هو عشان الشباب المصري كله عايز يروح يعيش في اوروبا عشان أنضف ومتقدمه اكتر رغم انهم مش دول اسلاميه وعلمانيه وليبراليه .. تيجي انت بقا وعايز تخلي مصر زي اوروبا .. يا حج مصر لازم تفضل زباله .. ولا انت عايز تريحنا من غربه السفر يعني .. وبعدين الاسهل اننا ننقل الشعب المصري كله اوروبا عن اننا نحولها لاوربا ..

وبعدين ايه يعني انك حاصل على جايزه نوبل .. مش انت الوحيد يعني اللي شاطر ..
وايه يعني انك اطلعت على تجارب الدول الناميه وساعدت في تطورها زي ماليزيا وانك كنت صديق لغاندي .. مش انت الوحيد بردو . 
ايه يعني انك جربت الانظمه الصحيه الموجوده في اكتر من 90 دوله وعايز ترفع النظام الصحي بتاعنا ..
لو جبنا اي واحد هيبني مستشفيات جديده وادويه كتيره وخلاص وبعدين الشعب المصري بيخف لوحده .. وبعدين هو اصلا دمه رخيص واحنا عندنا كثافه سكانيه يعنى حتى لو مات هيريح ..

ايه يعني انك عايز تحول التعليم من الكم الى الكيف وتخلي الناس تحب التعليم .. وان ينافس الخريج المصري الخريج الاوروبي في سوق العمل .. احم احنا مش عندنا عمل ريح دماغك بقا .. وكمان احنا بنحب الجهل ده 40 % مننا مبيعرفش يقرا ويكتب .. مش عايزين نتعلم يا سيدي ..

اه انت بقا عشان اول واحد نادي بالتغيير وكتب سبع مطالب محترمه جدا وفيه ناس كتير وافقت هتيجي تركب الموجه بقا … فاكرنا ناس عبيطه ولا ايه ..
وبعدين بيقولوا عليك متعرفش حاجه عن مصر . رغم اني شفتك في كل المناطق العشوائيه اللي انا معرفهاش بس بردو لا .. الغريب انك طلعت عارف حزمه الجرجير فيها كام عود .. 
كمان بيقولوا اني لازم انتخب مرشح اسلامي .. هو انت مسلم ؟؟ وانا لازم اسمع كلام الشيوخ بتوعي وانا مغمض 

بص انت كويس وزي الفل بس بردو انا مش مرتاحلك ..انا ياعم مبحبش افكر وهنتخب اللي يقولوا عليه وخلاص .. اقولك انا فلول وعندي وسايط ونفوذ ولو انتخبتك مش هاخد غير حقي بس .. 

انا نسيت انك ظهرت فجأه وانك حبيب امريكا واسرائيل .. واقولك الدليل بقا .. اولا انا مش بتابع اي اخبار عالميه وكمان الاهرام حبيبتي مكنتش بتجيب سيرتك ولا كنت بتظهر عندنا في التلفزيون .. يبقا انت براشوت وظهرت فجأه بقا مش ذنبي ان القناه الاولي مكنتش بتعبرك .. 
وانت حبيب امريكا واسرائيل بدليل انك فزت في الترشح للوكاله للمره التالته رغم ان امريكا صوتت ضدك .. والدليل التاني ان الوكاله اكتشفت اجهزة تنصت عليك في المكتب والبيت .. وان اسرائيل كل فتره تشتمك في الجرايد بتاعتها .. وان كل شويه تقول ان اسرائيل الخطر النووي الاكبر .. رغم انك مفتشتش عليها .. صحيح هي موقعتش على الاتفاقيه بتاعت حظر الانتشار النووي بس ملناش دعوه كنت عملت اي منظر … اكيد انت اللي وزتهم ميوقعوش على الاتفاقيه .. 
كمان وثائق ويكيليكس برأتك من كل التهم دي .. ومالوا مبصدقش غير لما اشوف بعيني .. 

اخيرا .. 
الدكتور محمد البرادعي .. انت فكره نمت في صدري وترعرعت .. احلامك هي الواقع الذي نحياه لنراه ..احب وطني قبل ان احبك ولولا حبك للوطن لما احببتك .. اعلم هذا الشعور جيدا ان تزور العالم كله وتري معظمه ارقي من بلدك وان يشمت بك اهل هذه البلاد فتصيبك الحسره والالم لما وصلنا له وترغب بكل قوة ان تغير هذا الالم ..
سأخوض معك المعركه حتي لو كانت معركه خاسره .. تحياتي 
ومن يعارضني .. ارجوكم اشتموني كتير .. انا مزنوق في شويه حسنات ..

 

تابع الشرقية توداي على جوجل نيوز تابع الشرقية توداي على جوجل نيوز
صورة Eman Salem Eman Salemيناير 2, 2012 - 10:26
33 3 دقائق
صورة Eman Salem

Eman Salem

كاتب صحفي ورئيس تحرير موقع الشرقية توداي

‫33 تعليقات

  2. البرادعى : العراق لا يحتوى على أى انشطه او اسلحه نوويه.
    الأمريكيون : البرادعى صعب المنال وليس له أيه ملفات سوداء نستخدمها ضده.
    العراقيون : البرادعى رجل قال الحق وموقفه انسانى ولا يعيبه شئ.
    المصريون : البرادعى ده عميل بن جزمه وسلم العراق لامريكا !!!!!!!!!!!!!!!!

  5. اللة ينور عليك واللة العظيم انت استاذ قولت كل اللى انا بهاتى فية بقالى سنة باسلوب ظريف وراقى وقد اية اسعدنى توافقى فى الراى والاختيار مع شخص جميل مثلك (البرادعى رحلة كفاح مش جاى عالمرتاح) وبالنسبة للجهلة بتوع شبة عم شكشك وبيتهته واقرع فاحسن رد عليهم هو اللى قالة الدكتور ان عقولهم تحتاج لاعادة هيكلة

  7. وايه يعني انك اطلعت على تجارب الدول الناميه وساعدت في تطورها زي ماليزيا وانك كنت صديق لغاندي .. مش انت الوحيد بردو .

    تصحيح/ غاندي توفي عام 1948 والبرادعي ولد عام 1943
    ورئيس وزراء ماليزيا لم يكن غاندي وانما مهاتير محمد
    وشكرا للكاتب وتحية لاسلوبة المشوق

  9. البرادعى وليس دفاع عنه او تايد له ولكن تايد لمصر وتايد لدولة العلم والعدل والحق والخروج من ازمات الرئيس الذى ينقصه فكر سياسى تنموى انمائى بنائى ان كان جزء من المصريين لايعرفون الى اين نذهب الان فاكيد يعرفون الى اين نذهب خلف هؤلاء فمنهم من هو نفس الفكر السابق ومنهم صاحب الفكر الدينى لانه لايمتلك الاهذه الافكار فقط وهو مكانه المسجد افضل ومنهم صاحب الفكر العسكرى فمكانه خبير استراتيجى افضل ومنهم من يتخبط بين الدين والمدنية فمكانه رئاسة حزب احسن اوجمعية ثقافية والان مع البرادعى هو الامل الان للخروج من مخلفات العصر والعودة الى النهضة من جديد فهو حلم المثقف والعالم والسياسى ومن يحب مصر يقف بجوار هذا الرجل من اجل مصر فقط

  10. نحن معك يا برادعى حتى يصمت اللذين يتحدثون بدون دليل
    حتى يصمت اللذين يروجون للاشاعات
    حقا اضا ركلك الناس من الخلف فاعلم انك فى المقدمة

    1. لا كرامة لنبى فى قومه………هذه فلسفة العرب ………لقد قال سفهائهم للرسول الكريم صلى الله عليه وسلم اذا كان هذا الحق من عند ربك فأمطر علينا حجارة من السماء او آتنا بعذاب أليم………لم يقولوا اهدنا اليه……..ماذا ننتظر من شعب امضى اكثر من 30 عاما فى فساد تعليمى واعلامى لحس بقايا عقله……وتمضى حياته بلا منطق…..يشاهد الدنيا تقفذ إلى الامام وهو يسير إلى الخلف مبتسم ابتسامة بلهاء لا يعرف دينه معرفة حقه ولا تاريخه…..ليس له ترتيب على مستوى الانسانية

  14. تعتعة البرادعى فى العربية فقط وليس الانجليزية وهو ما يؤكد لى انها قلق نفسى ربما لحرصه على اختيار اللفظ المناسب او المعنى المناسب بعد عقود من التعامل بلغة اجنبية. لكن هذا الرجل القدير ينطبق عليه تماما قول سقراط..ويل لمن سبق بعقله عصره…فقد رحب شعبنا بكل من لايصلح للحكم ومن دفع بالبلاد الى قاع بعد ان رفعها الاجنبى محمد على باشا الى قمة…وكل الاصلاحيون درسوا او احتكو بالحضارات الاقى قبل ان يعودوا لبناء بلادهم منذ عصور الاغريق الذين تعلموا من مصر الى رفاعة الطهطاوى…فلماذا البرادعى الذى ضحى وكان فى غنى عن هذه المتاعب؟

  15. رائعة دكتور عمرو هذا التضاد شكرا لك مشاركتك لي في حب هذا الرجل العملاق الكبير جدا علي مصر الان المهلهلة من جراء سيطرة العسكر

  16. اختلافنا حول دكتور البرادعى لن يغير حقيقة انه الاب الروحى للثوره ورمز التغيير
    تحياتى وودى لكاتب المقال

  17. احيى البرادعى رغم كل ما يحدث ورغم كل محاولات التشكيك فيه وفى وطنيته رغم انه عاش فى مصر فى قمه نضجها السياسى والاجتماعى من الخمسينات الى الستينات الى السبعينات وذهب الى اوروبا فى قمه نضجها من الثمانينيات الى التسعينيات الى الالفين يعنى راى احسن عصر فى مصر وفى الغرب وفى النهايه يقولوا دا مش مننا

  18. الدكتور محمد البرادعي.. انت فكره نمت في صدري وترعرعت.. احلامك هي الواقع الذي نحياه لنراه..احب وطني قبل ان احبك ولولا حبك للوطن لما احببتك.. اعلم هذا الشعور جيدا ان تزور العالم كله وتري معظمه ارقي من بلدك وان يشمت بك اهل هذه البلاد فتصيبك الحسره والالم لما وصلنا له وترغب بكل قوة ان تغير هذا الالم..
    سأخوض معك المعركه حتي لو كانت معركه خاسره.. تحياتي.

  19. YES and welcome for Mohamed El- baradee as the future president of EGYPT and if you really love your country Egypt mother of the world vote for him that because he is the only one capable of saving our beloved EGYPT also he will give our highly educated young people a chance to build our country in much better way than those who only have in mind “qall Allah and qall al-rasoul I am Muslim and religious too and always consider the religion is personal private thing between GOD and everyone and not a tool through it you can rule the country so I beg everyone in EGYPT whether he is a muslim or christian or any other religion if you need peace for your beloved EGYPT PLEASE VOTE FOR AL-BARADEE

  21. بصراحة مقال اكثر من رائع من حيث طريقة العرض والتشويق لجذب الانتباه والرد على كل تراهات النظام البائد …ووصف موضوعى دون مجاملة لرجل تفخر مصر بان يكون رئيسا لها فى المرحلة الحالية …مع خلص الدعاء بالتوفيق

  22. سلمت يداك وسلم عقلك على هذا المقال الرائع المعبر عنما يدور بعقولنا والقريب من قلوبنا برغم انى كنت اتمنى ان يقرأ هذا المقال كل المصريين فى كل مكان والامى يقرأه له من يجيد القراءة ليعلم ويفهم كل مصرى من هو الدكتور محمد البرادعى ووضعه وتصنيفه وانه ليس من الطامعين فى السلطة ولا المتسلقين … نحن جميعا البردعى

  24. اشكر الدكتور شريف حجازى على مقالته المتميزه بالرد الحكيم وبسخريه مهذبه والذي ينقد وهو لا يشعر الاخرين انه ضدهم بل يردد كلامهم وفى النهايه كل فقره يصدمهم بتفاهة الاتهام
    واحترم راى الاستاذ محمود عبد الرازق فى اننا نحتاج لهذا الاسلوب الراقى فى التعامل وتعلم ثقافه الحوار ونتفق او نحتلف نكون فى النهايه احباب لان الهف اولا واخيرا هو حب مصر والله حتى لو اختلفتنا معك فى شخص الدكتور البرادعى ولكنى اعترض كل من يهينه قد يكون لى رائ اخر ان الدكتور البرادعى قد يكون وزيراً ناجحاً فى وزارة الخارجية او الطاقة الزريه او حتى فى وزارة العدل ولكنه لن يكون ناجحا فى رئيس الوزراء او رئيس للجمهورية فهذا اكبر من امكانياته واذا كنت تحب شخص فلا تعطيه مسؤليه اكبر من امكانيات بهدف الثقه والاخلاص وحدهم بل يجب ان تراعئ امكانياته حتى لا يفشل وتكون بهذا ضريته ولم تنفعة

  26. برده مش حننتخب واحد متامرك عايزين واحد من جلدنا من شريعتنا من حضارتنا وطظ في اي حضارة مادية لان حضارتنا انسانية اسلامية واساتذته ميعرفوش حاجه عنهاواسالوهم برده ليه خايفين من الاسلاميين اوعوا تكونوا مغفلين وتقولوا خايفين من تشددهم ومن كبت حرياتكم لاااااااااا لانهم الوحيدون الي منهجهم ورؤيتهم من هنا وهنا وبس انسانيه اسلامية استقلاليه

  27. بصراحة يا دكتور جانبك التوفيق في هذا المقال فالدكتور البرادعي لم يتسبب في غزو العراق و لك ان تراجع الصحف فيما قاله الدكتور البرادعي و هانزبليكس فهو كان اكثر من رائع في موقفه و ان كنت لا تراه شخصية عالمية محترمة فهذه مشكلتك (قد تنكر العين ضوء الشمس من رمد +++و ينكر الفم طعم الماء من سقم و اراك يا اخي تردد نفس كلام الفرعون السابق الذي حارب كل من برز و اراد ان يحذو حذو فرعون عندما شرع في ذبح الذكور حتى لا يوجد رجل ينازعه و سواء اختلفت او اتفقت الكتور البرادعي شخصية محترمة و انا يشرفني ان يكون واجهه لبلادي وفقه الله

  30. البرادعي لو اترشح مش حياخد غير أصوات السيس بتوع الثورة مستمرة. لأنه مضروب في حزب الكنبة جامد و الأغلبية الصامتة الكاسحة.

زر الذهاب إلى الأعلى