أين ثورتي ..؟
عندما شاركت بالثوره ..يوم 25 يناير حيث لم يشارك بها سوى 200 فرد في مدينة الزقازيق .. وشاهدت جمعة الغضب الغفيره ..
وعلى مدار الاحداث المتواليه الي ان استلم السلطه المجلس العسكري ..
توقعت .. اعصارا على الفساد والظلم .. توقعت ان يكلف بالحكومه اناس من لهم خبره عندهم ضمير مثل الدكتور احمد زويل والدكتور عمرو خالد وبعض الشخصيات التي اثق فيهم .. لينهضو بالبلد ..
توقعت انحلالا كاملا لجهاز امن الدوله وفتح تحقيقات موسعه مع كل ظباطه .. توقعت اقالات جماعيه لرؤساء الجامعات والمحافظين والنقابات .وتطهير الوزارات من المستشارين الفاسدين .. حل الحزب الوطني بقرار سياسي وليس بقرار من المحكمه وتجميد اعضائه عن العمل لمده لا تقل عن خمس سنوات ..الرقابه الشديده على جميع اعضائه ..توقعت ان يكون وزير الداخليه الجديد وزيرا من الشعب يعيد هيكله الشرطه اعاده كامله بحيث لا اجد ظابطا جالسا على مكتب في قسم ..توقعت رؤيه سيارات ودوريات الشرطه في كل مكان لحفظ الامن ..توقعت حملات مكبره مستمره للقبض على المجرمين والبلطجيه .. توقعت ان تتطهر البلد والكل تحت سياده القانون سواء ..ولكن لا المجلس العسكري حقق طموحنا ..صحيح اني احترم الجيش واحبه ولكن المجلس العسكري يقوم بمهمه سياسيه ننقده فيها بثقه وبحق اصيل من حقوقنا ..ولا مجلس الوزراء تطهر ومعظم الوزراء من النظام القديم ولا جهاز الشرطه تطهر ولا تم اعاده هيكلته وتمت حركه محافظين مشبوهه ..وانتشر الفساد في البر والبحر ..فتنه بلطجه وفتنه طائفيه ..ولا كلام الا على اسلحة الكنائس وتعصب وتطرف السلفيين ..نسينا ثورتنا الحقيقيه ..وتشعبنا وتغيرت اهدافنا ..
وبعد ذلك تم الافراج عن وزير الزراعه السابق ومفيد شهاب وزوجتي جمال وعلاء مبارك وما زال حسني مبارك في شرم الشيخ يصرف 6000 دولار يوميا ..
أين ثورتنا ..حقا اني ادعو الي التوقف لحظه ..ومحاولة البدء من جديد لان الثوره غيرت اتجاها واصبحت تغييرات في صالح الحزب الوطني ..
يبدوا انه لا مفر من النزول مره اخري الي الشارع وان نقول لا سنحدد نحن الخطوات التي نريدها والتي نريد ان نحكم بها ..الديموقراطيه هي ان يحكم الشعب نفسه بنفسه ..نعم نريد ان نحدد من يكون رئيسا للجامعه ورئيسا للحي ومحافظا ووزيرا ايضا ..ولن نقبل بغير الصادقين الشرفاء
تابع الشرقية توداي على جوجل نيوز 
ده كلام تخارييف شعب مين اللى يحكم نفسة محصلتش فى الدنيا ان شعب حكم نفسهومحصلتش ان كل مؤسسات الدولة تهدم ونشيل كل الكوادر من غير تجهيز البديل لما تحب تعمل حاجة لازم تحط خطط بديلة ويكون الهدف واضح مش اى كلام فاضى وخلاص عيب بقى معملناش حاجة غير صوت عالى والبلد بتنهار والشعب كله بيحلم بفلوس مبارك واللى حواليه ومفيش حاجة هترجع نفكر شوية نبنى وكل واحد يراعى ضميرة فى مكانه البلد حالها هينصلح مش تجبلى بلد فيها 85 مليون منهم 80 مليون حرامى وعايز تصلح حالها بحبس 20
اولا حضرتك قلت اللى شارك فى الثورة من الشرقية 200 وده كلام غير صحيح على الاطلاق ولو تقصد المتواجدين فى التحرير ده برضه كلام مغلوط لان كان تقريبا شباب جامعة الزقازيق تظاهروا داخل الزقازيق فى بداية الثورة وبعد ذلك ذهبوا الى التحرير حتى يوم لحظة التنحى وده مش كلام دى فعلا الحقيقة ولو حضرات الشباب منتظر القضاء على الفساد فى لحظة ده برضه كلام مش مظبوط لو كل واحد عمل اللى عليه تجاه البلد ومنع الاعتصامات والشغل الحقيقى والقضاء على الفساد الادارى والتوعية للناس يعنى ايه واجبنا على مصر فى المرحلة الحالية والذهاب الى المدارس والمتابعة بجانب المجلس العسكرةى والززارة كان الحال اتغير لكن عملنا ثورة ورجعت ريما لعادتها القديمة عايزين الحكومة تعمل وده بيخلى اى مسئول يتصرف من تلقاء نفسه علشان احنا منتظرين اللى يغير ياشعب مصر كفاكوا اهمال ونفخ فى النار اشتغلوا بدون ترويج للفتن ايها الشباب هبوا الى العمل الحق من اجل مصر
اظاهر ان الاستاذ جه متاخر او راحت عليه نومه او جه فى المظاهرات المؤيده لمبارك الا امر بيها صفوت وخدمه وحزبه الواطى المنحل لاما الشراقوه راحوا اتظاهرو فى حته تانيه المظاهرات موجده عندى بالفيدوهات اقل فيدوه نصف ساعة
حوالى 12 فيديو كاملين والشرقية واهلها وطنين ومحدش يقدر يقلل من وطنيتهم ولا من قدر شباب الشرقيه المحترمين
ولا حتى انتا ازاى تسمح لنفسك انك تتهم شباب الشرقية بالكلام السفيه ده
خلى بالك من عملك وحاول تتقنه وتتقى الله فى عملك بدل اما بتتعلموا فى الناس فى مستشفياتكم وتشخصوا امراض بالغلط