مقالات | محمود لعبوطة كتب | متدلعيش….

متدلعيش….
ولا انتى حبيبتوا
ولا أنتى قريبتوا
فى قربك فى بعدك
أكيد راح يعيش….متدلعيش….
عشان انتى دلعك
فى نومك فى سهرك
فى عشق الأمانى
وهى تناهدك
خلاص باخ زيادة
وبقى ميسويش….

متدلعيش….
أكيد هو عايش فى بعدك وراضى
وساكن بيوتة
وزارع أراضى
وفاتح مصانع
وعمّال يراضى
وشغّل صحابة بعيد عن عيونك
عشان ياكلوا عيش

متتمحكيش
لانة بيوصف دفى أحلى منك
وعارف بانة الكلام راح يجنك
بقولك هواكى معدش بيفرق
ولا عمر نيلك فى مره رواه
ولا حتى نسمة هواكى اللى
طارت فى تأشيرتة وقفت …..
و فضلت معاه
ولا حتى شوفك فى هلة صباحة
بتسمع انينة و ترسم حياة………..!

بقولك وبكدب….
متدلعيش
مانا ذى ذيك
بمشى فى حالى
وأقول يوم هتفرج
وبرضة مفيش

بشوفلك عمايل تطلع عنيا
لا لاقى لا أكل
ولا حتى أغنى
لا لاقى دموعى
ولا حتى دمى
لا لاقى حكايتى
فى وسط الطريق
ولا حتى لاقى طريقك حكايتى
فى قمة صراحتك
” متتصدقيش”

المصدر | الشرقيه توداي