قرر المستشار حسن النجار محافظ الشرقية نقل مواقف القاهرة والعاشر من رمضان وبلبيس وبردين من ميدان عرابى وخلف محطة القطار إلى منطقة ميدان الزراعة لحل الأزمة المرورية بالمحافظة.وأكد العميد علاء رشاد مدير إدارة المرور، أن نقل هذه المواقف سيعمل على تنظيم الحركة المرورية بالمدينة، خاصة أنها تعانى من العشوائية والاختناقات المتكررة.أضاف أن المحافظ أكد خلال اجتماع عُقد لبحث الأزمة المرورية أنه سيتم وضع 8 إشارات ضوئية بمدينة الزقازيق تعمل بالنظام الالكترونى، منها واحدة ناحية مزلقان شرويدة، وسيتم تغذيتها بمواعيد القطارات بحيث تغلق إلكترونيا مع مواعيد القطارات وسيتم وضع إشارات فى كوبرى الجامعة وميدان الزراعة وشارع فاروق وكوبرى سوارس و العصلوجى والذى سيعمل على تقليل الازدحام والتكدس بالمدينة بشكل كبير.واقترح عمل 8 حارات بميدان عرابى وشارع الجيش بعد إزالة جزء من الميدان، وإنشاء حارات به، بحيث تكون 2 منهم للسرفيس و 2 للتاكسى و الباقى للملاكي. واقترح أيضا إزالة مبنى مجلس المدينة بشارع الجلاء وإقامة جراج متعدد الطوابق بدلاً منه لحل أزمة ركن السيارات لعدة صفوف بشارعى الجلاء و الكورنيش.
المصدر : اليوم السابع
تابع الشرقية توداي على جوجل نيوز 
أنا ضد هذا القرار لأن إزالة الباعة الجائلين هي أول شي يحل مشكلة المرور وانتو شلتو الباعة الجائلين بعد عيد الفطر وبعدين سبتوهم تاني ………. ثم ضروري يكون موقف القاهرة بجوار محطة القطار عشان اللي ملحقش القطر يلاقي موقف القاهرة جنب منه وده بيسعفه كتير في الوقت أما في الزراعة المكان بعيد وأصلا المحافظة شالت موقف فاقوس وأبو كبير والحسينية وغيرها من الزراعة لشدة الزحمة تقوموا انتو تحطوا هناك موقف القاهرة …… القرار خاطئ 100%
من رأيي يعملوا كوبرى من شارع فاروق فوق المحطه يودى على طريق الجامعه على طول ويخلوا عربيات موقف المنصوره متمشيش فى شارع المحافظه
ويشيلوا رصيف شارع الجناين ويوسعوا حارات ويعملوا سور صغير
اما بالنسبه لموقف مصر يتعمل عند الحته اللى جمب السكه الحديد قبل ميدان التحرير وياكلوا من ميدان التحرير وتتعمل صينيه للموقف قدام التوحيد والنور اما بالنسبه للى عاوز يروح بلبيس والعاشر يعملوا الموقف بتاعها فى ارض الزراعه اللى جمب كليه الزراعه المنطقه اللى وقفت فيها عربيات الجيش ساعه تأمين الأنتخابات وجمب المطافى ومنها على طريق مرور الصدر ومنها المزلقان على العصلوجى وبلبيس والعاشر
الناس اللي فرحانين و مبسوطين بالقرار ده ما بيفكروش إن مفيش مواصلات محترمة أصلا من جميع أنحاء الزقازيق لحد الزراعة, يعني لو واحد جاي من قطار و عايز يروح الموقف عايزله ساعة إلا ربع علشان يروح
و بعدين هوه مش فيه مكان للموقف في طريق العصلوجي كان مفروض هيتنقل فيه؟؟؟؟؟
الله يرحم محافظة الشرقية
انت معترضين وخلاص ماهى عندك المنصوره الميكرباص فى مكان ومحطة القطار فى مكان تانى خالص واسكندريه الموقف فى مكان ومحطة القطار فى مكان تانى خالص معظم البلاد كدة ولا انت لما لاقيتو الدنيا هاتتحل مشاكلها قولتوا لا لحسن البلد ترجع حلوة زى زمان تانى سبوها تعمر بقة ارحمونا وياريت المحافظ او اى مسؤل مايلتفتش لاى انتقادات من شانها اضاعة البلد