ثقافة و فن

نهى العمروسي مدافعة عن شيرين عبد الوهاب: يا مجتمع أدمن الكدب

العمروسي مدافعة عن شيرين عبد الوهاب

كتب | شادي زعبل

انضمت الممثلة نهى العمروسي لقائمة الفنانين المدافعين عن المطربة شيرين عبد الوهاب في أزمتها الأخيرة بعد تصريحاتها عن مياه نهر النيل.

وكتبت العمروسي عبر حسابها بموقع فيس بوك: “طب يا حبايبي مادام الوطنية واكلاكوا أوي و سمعة مصر تهمكوا يبقي بلاش ترموا زبالتكوا في الشارع و كل واحد ينضف الشارع و السطوح بتاعه هو و جيرانه و ماترموش ورق من العربيات و ما تعملوش إإح تحت الكباري و لا في أي زؤر عشان الريحة الحقيرة بتفحفح علي السياح و بطلوا نصب و بطلوا كذب و لَوَع في تعاملاتكوا مع الأجانب بالذات عشان السياحة يا حلوين ياللي بتشجعوا السياحة و حطوا DEoderant عشان ريحة عرقكوا بتطفش السياح برضو ، و بطلوا ترموا زبالتكوا في النيل و حسنوا أخلاقكوا المنحطة و إغسلوا سنانكوا و نضفوا قلوبكوا يا وطنيين بالفطرة ، آه المصريين إللي بيشتغلوا في الدول العربية إللي خللوا سمعتنا بقت في الحضيض من تعاملاتكوا خصوصاً العمال ، ياريت بقي تمحوا تاريخكوا الإسود و سمعتنا إللي ضاعت في الوبا و لما تعملوا كدة بقي ساعتها هاجموا شيرين عبد الوهاب يا مجتمع أدمن الكدب و بيعشق الكدابين”.

يذكر أنه تداول مستخدمو مواقع التواصل الإجتماعي مقطع فيديو لإحدى معجبات شيرين وهي تطلب منها غناء أغنية “ما شريبتش من نيلها” لترد المطربة المصرية مازحة سأصاب بالبلهارسيا في اشارة للمرض الطفيلي الذي تنقله المياه، وقالت لها تناولي مياه ايفيان أفضل وهي ماركة مياه معدنية شهيرة.

 

shady zaabl

كاتب صحفي مصري مهتم بالمواقع الإلكترونية وإدارتها وكتابة المقالات في جميع الأقسام وذو خبرة في الصحافة والإعلام والمحتوى لـ 5 سنوات وفقً لدراسة أكاديمية وتطبيق عملي .
زر الذهاب إلى الأعلى