أخبار الرياضة

هشام سليم: الأيام أثبتت إن رأي أبويا في الخطيب صح

وصاح سليم

كتب | أحمد الدويري

جدد هشام سليم نجل الراحل صالح سليم، رئيس النادي الأهلي الأسبق، هجومه على محمود الخطيب رئيس مجلس إدارة القلعة الحمراء.

وقال هشام في حوار لبرنامج أنا وبنتي، الذي يقدمه الفنان شريف منير وابنته أسما شريف منير: أنا مشكلتي مع الإدارة في النادي الأهلي، وقولت رأي أبويا (صالح سليم) فيه، وأظن الأيام وضحت إني كان عندي حق في كلام كتير أوي، واعتراضي على الخطيب إداريًا، وإنه مكانش عنده خبرة كفاية ومكانش مسك حاجة قبل كده ونجح فيها، وأنا قولت رأيي بصراحة، وبعدين النهارده فيه ناس بتدفع علشان تشتمك، ومش عارف هما بيتشموني تبرعًا ولا لأ.

وأردف هشام سليم: الخطيب مع الأسف طلع وقال في برامج إن الكابتن صالح سليم شربت منه وأنا عارف كل حاجة، وصالح سليم مكانش فيه حاجة في الأهلي بتتعمل إلا وكان يقولي إيه رأيك يا خطيب.. وأما روحنا جنوب إفريقيا في طائرة لمدة 14 ساعة رايح جاي، قالي يا خطيب جيب الحاجة اللي عندك بخصوص النادي علشان نتكلم فيها في الطائرة.

 

 

 

أحمد الدويري

كاتب صحفي منذ عام 2011 ، أكتب جميع أنواع قوالب الصحافة، تعلمت الكتابة بشكل جيد جدًا من خلال موقع الشرقية توداي الذي انضممت له منذ عام 2012 وحتى الآن
زر الذهاب إلى الأعلى