ثقافة و فن

هنعمل لغبطيطا حسن شاكوش وعمركمال في تحدي مع حسين الجسمي وعمرو دياب

حسن شاكوش
هنعمل لغبطيطا

طرح مطرب المهرجانات حسن شاكوش، وعمر كمال المهرجان الجديد هنعمل لغبطيطا ، وحققت الأغنية أكثر من مليون مشاهدة على قناة اليوتيوب .

هنعمل لغبطيطا

قال المطرب عمر كمال إنه سعيد للغاية بالنجاح الذى حققته أغنية هنعمل لغبطيطا، التى طرحها عبر قناته أمس بمشاركة مطرب المهرجانات حسن شاكوش.

موضحا أن النجاح هذه المرة مختلف خاصة فى ظل وجود منافسة قوية مع أغنية الهضبة عمرو دياب أماكن السهر ، وأغنية بالنبط العريض حسين الجسمى .

وأضاف كمال: “هذا النجاح ليس الأول بينى وبين حسن شاكوش فسبق وحققنا نجاحات كثيرة سابقة في أغاني مثل بنت الجيران و”عود البطل“، ولكن عندما نصعد لـ تريند رقم 1 على مصر، والدول العربية، هذا يؤكد أننا مازالنا موجودين مع الجمهور فى الشارع”.

وتابع كمال قائلا: “النجاح محسوب لينا كلنا أنا وشاكوش، وبقينا خلاص أسامينا إحنا الاثنين مرتبطة ببعض، وده يعتبر التعاون السادس.

بالبنط العريض حسين الجسمي تحقق 15 مليون مشاهدة

مؤكدا أنه يتواجد حاليا في تونس لتقديم عدد من الحفلات هناك، وتسجيل عدة لقاءات تليفزيونية عبر القنوات هناك”.

الأغنية الجديدة تأتى بعد سلسلة من الأزمات بين المطربين الشعبيين، ونقابة المهن الموسيقية.

ووقفهما عن إحياء الحفلات الموسيقية، وأيضا وقف تصاريحهما، وأيضا بعد أزمة حسن شاكوش مع نقابة الموسيقيين بعد الديو الغنائى الذى أصدره مع أحمد سعد.

كلمات المهرجان 

رجعنا ليكو
هنعلم تاني فيكو
جامدين دايما عليكو
كاسحين كل المجال

يلا الدنيا زيطا
وهنعمل لغبطيطيتا
أسامينا دي ع الخريطه
معروف مين التقال

التعليم ف الرأس
قولنا مش بالكراس
يا حتت بونبانويا
يا حتت اناناس

يا بت فردايه واستك
والعود حلو وفنتستك
علي صوتي بتهزي وسطك
ضحكتك هيا ميزتك

جاي ليه تصالحني
ياللي انت زمان جارحني
متقوليش اسف سامحني
بعدك عني دا هيريحني

البت دي عايزه بوسه
هتشوفها تقول عروسه
سنيوره مالعين المحروسه
طب ليه عملالي مقموصه

وركبت الاكس 6
بطلت اركب انا تاكس
وعملت السيكس باكس
وبلاغيكي بتتقلي
هننزل شيشه ميكس
ونقضي السهره لوكس
وجايبلك اغلي بوكس
ولساكي بتتقلي

انتي خلبوصايا
ملفوفه ف العبايه
مكسوفه يا مشمشايا
متفوكي خليكي معايا

نفسي ف الذبادي
طب صعب ولا عادي
انا شكلي هروح دادي
واطلب منو الايادي

قلبوظه مقلبظه
ويالهوي لو متنرفزه
تلاقيها حلوه ومعجزه
زي اللوحه المتبروزه

سمباتيك يا قوطه
ف المشيه تشوفها بطه
بتعدي ف اى حته
دي بتلف خمسه وسته

لسا زي منا
علي مبدأ الجدعنه
وماليش انا ف النفسنه
ياض عمرك متكون انا

قالو عني الكاريزما
ف اليوم بصرف ميت روزمه
وفي ناس يجيو وقت الازمه
ملهومش اى لازمه

كل الناس ديابه
والدنيا دي بتتغابه
بنسي الهم كلو
لما اسمع منك بابا

انتي السنيوريتا
يا كريزا ف بسكويتا
اه يا اطعم ماللوليتا
وكلاس وكمان بسيطه

يلا
نتجوز يلا نسافر بره
متسيبنيش دي العيشه مره

انتي
ف القلب وجوه الروح سكنتي
مهما بتكبرى زي منتي

سامح المصري

كاتب صحفي ومدون منذ عام 2000، بداية احتراف الصحافة كانت من خلال موقع الشرقية توداي الذي اعمل به منذ عام 2011، اكتب جميع أنواع القوالب الصحفية ولكن اتميز في كتابة مقالات الرأي
زر الذهاب إلى الأعلى