كتبت | أسماء الهادي
طالبت «رضوى يوسف»، والدة الطفل المصري «زين»، المريض بالسرطان نشطاء «فيس بوك» بالدعاء لطفلها، نظرًا لتدهور حالته الصحية، وخطورة مرض سرطان الخلايا الجذعية.
كما نشرت عبر صفحته على فيسبوك أن ابنها في حاجة إلي الدعاء، وأضافت أنه يعاني من مشكلة في الكلى، معلقة:« كان نفسي أطمنكوا النهاردة وأقولكوا أخبار حلوة، انتو عارفين إن الأسبوع االي فات السخيف ده بيبقى صعب علينا بالذات زين بيستحمل وجع وألم وبيصبر ويصمد إن كان من ابر لأدوية لأجهزة مطلوب منه يثبت فيها بالساعات وأكتر كمان».
وأضافت: زين متعافي بقاله سنتين ولكن نوع السرطان اللي عنده سرطان الخلايا الجذعية أو «neuroblastoma» من أخبث وأشرس الأنواع اللي ممكن يرجع في أي وقت وبدون مقدمات وعشان كده احنا لازم نعمل اختبارات وتحاليل كل تلات شهور بالضبط، مشيرة إلى أن الطبيبة الخاصة به قالت لها «أنا شايفة حاجة في الكلى، معرفش هي ايه ومش متأكدة بس محتاجين اختبارات أكتر».
وتابعت: كلمة «حاجة» في حد ذاتها مرعبة لأنها ممكن تبقى ميت ألف حاجة! ممكن تبقى سرطان تاني، أو أعراض جانبية من الأدوية اللي أخدها أو نوع سرطان جديد أو أو.. الإحتمالات كتير وكلها مخيفة.
وأشارت الرؤية لسة مش واضحة وبنعتبر ده اختبار جديد من ربنا سبحانه وتعالى، الخطة هي إننا نمسك نفسنا لحد ما نعرف ونفهم، مش حكدب وأقول احنا أقوياء وعادي لا احنا خايفين ومرعوبين ومتماسكين بالعافية أنا وتامر عشان الأولاد.
وأستكملت: «نتيجة الإختبارات ستظهر الأسبوع المقبل».
تابع الشرقية توداي على جوجل نيوز 
