قالت والدة «شاب المرج»، الذي ظهر في فيديو وهو يعرقل إحدى الفتيات أثناء سيرها في المرج، إن ابنها «بيقلد الكاميرا الخفية وبرنامج إديني عقلك»، داعية إلى لوم الجميع فيما يتعلق بظاهرة التحرش.
وأوضحت والدة الشاب، في مداخلة هاتفية مع الإعلامي معتز الدمرداش على قناة «الحياة 2»، أن ابنها «بيقلد الكاميرا الخفية، ودائمًا قبل رمضان بيعملوا القفشات اللي بتيجي في التليفزيون.. والبنت دي قاعدة معانا في المنطقة وبيهزروا وبيضحكوا مع بعض».
وأضافت: «هي اللي عاملة الكلام ده مع ابني، ولها دراية بالموضوع ده وبيهزروا والشباب بتهزر، والموضوع بقاله فترة ومعمول عند قسم إمبابة، ولو بجد كان القسم قبض عليهم، ولو الموضوع جد كانوا هياخدوه».
وتابعت: «البنت صعبت عليا، قلت لها ليه عملوا فيكي كده قالت لي بنهزر مع بعض، قلت لها الكلام ده ماتعملهوش تاني»، مشيرة إلى أن ابنها «راح القسم عشان يقول لهم أنا معملتش حاجة زي دي».
وذكرت أنه «قبل رمضان الشباب دايما بيهزروا ويعلقوا الزينة، وبيقلدوا برامج التليفزيون زي الكاميرا الخفية وإديني عقلك، وقبل ما نلوم على الشباب نلوم على برامج التليفزيون، وقبل ما نلوم على الشباب نلوم على البنات اللي بتلبس البناطيل والباديهات ونلوم على الكل»، فانفعل عليها «الدمرداش»: «لكن هو ما ناخدوش قلمين ونقوله في الدين غض البصر».
كانت مديرية أمن القاهرة نفت صحة ضبط المتهم بالفيديو المتداول على شبكات التواصل الاجتماعي، والذي تضمن قيام بعض الشباب بعرقلة سير إحدى الفتيات حال سيرها.
المصدر
تابع الشرقية توداي على جوجل نيوز 
