سياسة

بالفيديو..السيسي لوالدي شهيدين «فيه ناس بتمشي وسايبة قيمة عظيمة»

السيسي لوالدَي شهيدين: «فيه ناس بتمشي وسايبة قيمة عظيمة»

 

«كان لازم أشوفكم هنا وأطمن عليكم، ووالله أنا بتشرف إني بشوفكم صحيح».. بهذه الكلمات بدأ الرئيس عبدالفتاح السيسي والدَي الشهيدين مجند الشحات فتحي شتا ، شهيد الكتيبة 101 ، ومجند محمد أيمن السيد ، شهيد الصاعقة ، اللذين قدما روحهما فداءً للوطن، حيث استطاع الأول إبعاد أحد العناصر الإرهابية عن الموقع قبل أن يفجر نفسه، و انقذ موقعه و حياة زملائه، كما افتدى الثاني 8 من زملائه باحتضانه أحد العناصر التكفيرية أثناء محاولته تفجير أحد المواقع العسكرية بالعريش ، في 15 ديسمبر الجاري.

واستقبل السيسي والدَي الشهيدين، السبت، وأذاع التليفزيون المصري اللقاء، حيث قال الرئيس: «الشرف ليا أنا إني ألتقي بيكم، وأنتم قدمتم أغلى ما عندكم لبلدنا، وباسم كل المصريين بقول لكم متشكرين».

وأضاف: «أنا عاوز أقول لك حاجة لازم تبقوا واثقين إن ولادكم عملوا حاجة عظيمة قوي، ده محمد والشحات حمى بلد حمى 90 مليون، وده كلو بيعملوه الأبطال في الجيش والشرطة، الموضوع مش على قد موقعه أو مكانه، محمد موجود هناك والشحات موجود هناك عشان إحنا كلنا نعيش، مش نعيش ناكل ونشرب نعيش في أمان وسلام».

وتابع: «الأجر عند ربنا لأن ده فدا 90 مليون بني آدم يعيشوا في أمان وسلام وماحدش يبقى خايف، مش عايز أعزيكم ومش عارف تقبلوا إن أقولكم إني لو إحنا ناخد بالنا قوي أهنيكم، إحنا هنا كلنا قاعدين في الدنيا يومين وماشيين وفيه ناس بتمشي وسايبة قيمة عظيمة، أنتم ولادكم عملوا قيمة عظيمة، وربنا يراضيكم، وكلمة شكر مش كفاية لكم وأي حاجة هنعملها مش كفاية».

وتبادل السيسي الحديث مع والدَي الشهيدين ثم قال: «هما ولادنا كلنا ودرع بلدنا، وإوعي تزعلي على الأسد، الأسود بس هي اللي بتموت وهي بتقاتل، وأنا متشكر إنكم سمحتوا لي إني أقعد معاكم، ومصر عمرها ما هتسناكم وقبل مصر فيه ربنا هو اللي هيعوض علكيم».

واختتم حديثه: «أنا عاوز أتصور معاكم وأنتم جنبي ممكن».

المصدر

Eman Salem

كاتب صحفي ورئيس تحرير موقع الشرقية توداي
زر الذهاب إلى الأعلى