ثقافة و فن

5 أسرار من حياة نجيب الريحاني: علاقته بالسادات وطلاقه من بديعة مصابني

%D9%83%D9%8A%D9%81 %D9%83%D8%A7%D9%86%D8%AA %D8%AD%D9%8A%D8%A7%D8%A9 %D8%A7%D9%84%D9%81%D9%86%D8%A7%D9%86 %D9%86%D8%AC%D9%8A%D8%A8 %D8%A7%D9%84%D8%B1%D9%8A%D8%AD%D8%A7%D9%86%D9%89 %D8%9F 6

«زعيم المسرح الفكاهي .. كشكش بك .. الضاحك الباكي» ألقاب انفرد بيها نجم الكوميديا «نجيب الريحاني» اللي رحل عن عالمنا وسابلنا مكتبة سينمائية من الاعمال اللي مش كتيرة ، بس سايبة أثر مع كل الأجيال ولسه بنتابعها لحد دلوقتي

اتعرف عن الريحاني انه فنان بسيط وغير متكلف، بالإضافة إنه كان راجل “حمش” بيغير على مراته اللي هي كانت بديعة مصابني وهجرته بسبب الغيرة دي، كان بيضحك الناس من قلبه بكل بساطة وسهولة وبأقل الكلمات “مع أنه وشه مكنش بيبان عليه خالص أنه نجم كوميدي” يعني من الأخر قدر يقدملنا “السهل الممتنع” في الكوميديا، ووصل لمكانة محدش غيره قدر يوصلها….

وفي ذكرى ميلاده الـ 127 هناخدكوا في رحلة بسيطة جوه حياة الضاحك الباكي «نجيب الريحاني».

حكاية نجيب

4d7ae520 5a4f 41bf ae0e 14f3b6de3eb7FotorCreated

«نجيب إلياس ريحانة» وده أسمه الحقيقي، اتولد في حي باب الشعرية بمصر سنة 1889 لأم مصرية وأب عراقي كان بيتشغل في تجارة الخيول، درس في مدارس الفرير الابتدائية اللي كانت لغتها الرسمية هي الفرنسية عشان كده قدر يتقنها من صغره، لكنه اكتفى بشهادة البكالوريا ومكملش تعليمه لتدهور ظروف والده المادية

 وكان للريحاني موقف واضطر يدخل لمجال العمل بدري، واشتغل كاتب حسابات بشركة السكر في نجع حمادي عشان يقدر يساعد أسرته مادياً، لكن الشغلانة دي معجبتهوش فقرر أنه يستقيل ويرجع للقاهرة مرة تانية ..

اتجوز الريحاني في بداية حياته من الرقاصة السورية «بديعة مصابني» اللي كان عندها كازينو في ميدان الأوبرا، لكنها اتطلقت منه بسبب اهتمامها بفنها، وكانت معتبرة أن الجواز ده عقبة في طريق نجاحها ده غيرغيرته الشديدة عليها “اللي زود الطينة بلة”

7ce77cd9 8d9f 4d04 a2ff bc277433e76d2014 06 17 00178

وبعد بديعة اتجوز الريحاني من « لوسي دي فرناي» الألمانية وخلف منها بنته الوحيدة “جينا”، الغريب في الأمر بقى انها اتنسبت في الوثائق لشخص تاني كان شغال ضابط في الجيش الألماني، وده كان بسبب قوانين هتلر اللي كانت بتمنع زواج أي ألمانية من شخص غير ألماني.

مشواره الفني

617aafed 7f7b 4739 b825 cb158795c5f02b874a6438

الملاهي الليلية .. الريحاني كانت بدايته في الملاهي الليلة في شارع عماد الدين، لحد مافي يوم قابل صديق ليه كان بيعشق التمثيل اسمه ” محمد سعيد”، وعرض عليه انهم يكونوا فرقة مسرحية سوا يقدموا من خلالها الإسكتشات الخفيفة للجماهير في الملاهي الليلية، ومن هنا أنطلق كالصاروخ في عالم المسرح، بعد ما اتعرف على رفيقه في الكفاح الفني “بديع خيري” اللي ألفله أغلب أعمال المسرحية

المسرح ..  خفة دم الريحاني وشهرته في الأدوار الكوميدية مكنتش بتبان عليه خالص، لأن وشه دايماً كان جد ومش بيضحك، بس الناس كانت لما تسمع الجمل بتاعته “تموت من الضحك”..

يعني محدش يقدر ينسى شخصية «كشكش بيه» اللي قدمها في كزا مسرحية من أعماله، عشان كده قدر أنه يحصل على لقب «زعيم المسرح الفكاهي» ..

وبعد تألقه في المسرح أعلن اعتزاله سنة 1946، بعد ماقدر أنه يقدم مع توأمه في الفن “بديع خيري” حوالي 33 مسرحية، أشهرهم ” الجنيه المصري، الدنيا لما تضحك، الستات مايعرفوش يكدبوا، إلا خمسة، حسن ومرقص وكوهين، كشكش بيك في باريس، وصية كشكش بك، المحفظة يامدام ..”، وأغلب المسرحيات دي ملهاش نسخ مصورة

السينما .. بعد التألق الكبير اللي حققه على المسرح، مقدرش يحقق نجاح موازي ليه في الأفلام، لكنه ساب 6 أفلام وهم ” سلامة في خير، أبو حلموس، سي عمر، لعبة الست، ياقوت أفندي، غزل البنات” بيعتبرهم المهتمين بالسينما من اعمق ماقدم في السينما العربية من نحية الشخصية الساخرة  “نجيب الريحاني”

https://www.youtube.com/watch?v=9txxaNNncnM

ومن أقوى المشاهد اللي ماتتنسيش في ذاكرة السينما المصرية كانت في فيلم “غزل البنات” هو مشهد المدرس اللي خرج كل اللي في جيبة قدام الباشا اللي اتهمة بسرقة عقد وخباه في منديلة، فخرج الريحانى المنديل وقال : ” دة لو دخل العقد في المنديل من هنا لازم يطلع من هنا” في إشارة منه لحالة لفقرة المدقع اللي مخليه حتى منديله “مخروم”

حكم قراقوش

bdf26dba a5eb 4ce6 a00b 4dece6c9584aFotorCreated

من أعماله المسرحية اللي اتسببت في خروجه من مصر هرباً من الاعتقال أو بطش الملك به مسرحية «حكم قراقوش»، واللي كتبها صديقه الفنان بديع خيري، وهاجم فيها الملك فاروق والأكثرمن كده أن الملك لما طلب منه تقديم مسرحية في قصره عشان يتفرج عليها، أصر انه يقدم النص ده وضرب بكلام خيري بديع اللي كان رافض الأمر ده “عرض الحائط”، ورغم عدم ندمه على هذه الخطوة خاف بعدها وفضل السفر خارج مصر متجها للبرازيل.

وبنته جينا قالت في كتير من الحوارات الصحفية واللقاءات التليفزيونية، أن الملك فاروق منح لقب البكوية للفنان يوسف وهبي واستثني الريحاني وما اداهوش اللقب عقابا ليه، ووضحت أن سفره للبرازيل جاء بناء على نصيحة تلقاها من رجل الاقتصاد المصري طلعت حرب، خاصة بعد انتشار أقاويل تتهم نجيب بأنه جاسوس ألماني.

رثاء الريحاني

ce2f635b 9237 4f88 9866 a0d7b86a693cFotorCreated

المعروف عن الريحاني ان الموضوعات اللي بيقدمها من خلال اعماله سواء المسرحية او السينمائية أنه ينتقد الواقع اللي عايشينه بطريقة كوميدية وساخرة، وده اللي خلى الرئيس الراحل أنور السادات قال في كلمه خلال رثائه ” أن الريحاني بيسخر من الإنجليز والاستعمار وكل المظالم بأعلى صوته من فوق منبر المسرح، وظلت رسالته منذ ذلك التاريخ تتوالى في هجوم ساخر لاذع

 وأضاف السادات “وهاجم النواب الذين يستغلون وظيفتهم هاجم الحكام الذين لا يعنيهم من أمر الحكم إلا مصالحهم الشخصية، وأخيرًا هاجم الطاغية أشد ما يكون الهجوم ومع ذلك نال احترام الطاغية”. 

وفاته

في يوم 8 يونيه 1949، وبعد مشوار طويل من النجاح في المسرح والسينما، شاء القدر أن موت الريحاني يبقى أثناء تصويره فيلم “غزل البنات”، يعني مات وهو بيقوم بأكتر حاجة هو حبها في حياته ونجح فيها

وده بعد إصابته بمرض التيفود، وكشف لنا الدكتور “أحمد سخسوخ” الناقد المسرحي أن السبب وراء وفاته كان إهمال الممرضة ليه في المستشفى اليوناني، بعد ما أدته جرعة زيادة من الدوا .

المصدر 

shady zaabl

كاتب صحفي مصري مهتم بالمواقع الإلكترونية وإدارتها وكتابة المقالات في جميع الأقسام وذو خبرة في الصحافة والإعلام والمحتوى لـ 5 سنوات وفقً لدراسة أكاديمية وتطبيق عملي .
زر الذهاب إلى الأعلى