كتبت – إيمان مهنا
اضطرت أسرة رجل متوفى بحى المنتزه التابع لمدينة الزقازيق بالشرقية، اليوم، إلى الاستعانة بالمياه المعدنية واستخدامها فى “غسل ميت” بعد أن أجبر أهالى المدينة على ذلك بسبب تعرض المدنية بأكملها لانقطاع مياه دام لأكثر من 6 ساعات متواصلة اليوم.
وفى نفس السياق استعانت المستشفيات والمراكز الطيبة بالمياه المعدنية لإنهاء العمليات الخاصة بها، وأيضا قام المئات من الأسر بشراء كميات من زجاجات المياه المعدنية مما أدى إلى بيع الكميات الموجودة بالمحلات والمتاجر الكبرى.
كان عمال الشركات الخاصة المسند إليها أعمال الصيانة والتشغيل بمحطات الصرف الصحى بالشرقية والبالغ عددهم 180 عاملا، قاموا بإغلاق محابس محطة المياه المغذية للزقازيق والاعتداء على العاملين بها، للمطالبة بنقلهم إلى شركة مياه الشرب والصرف الصحى بالشرقية وتثبيتهم على درجات دائمة.
وقام المحافظ الدكتور عزازى على عزازى والحاكم العسكرى بسرعة حل الأزمة لعودة مياه الشرب التى توقفت بالمدينة.
المصدر: اليوم السابع
تابع الشرقية توداي على جوجل نيوز 
انا موظفة بالشركة دى وشفنا ايام صعبه جدا من يوم الخميس قام العمال بغلق البوابة الرئيسية للخروج واضطررنا للخروج من جراجات بوابة مديرية الاسكان مش احنا وبس دا كمان كان معانا موظفين مديرية الاسكان اللى طلعوا معانا بالعافية وبعد تفاوض وكأننا مخطفوين ورهائن اللى طلع البنات والستات فقط والاطفال اللى كانوا معانا الصغيرين اما الرجالة ففضلوا ومنعوا انه حد يطلع منه
وعدى اليوم على كده بدون اصابات والله على ما اقول شهيد
يوم السبت بقى اللى هو امبارح اللى حصل اننا رحنا لوحدنا المرة دى والاسكان كان اجازة رسمية فدى فرصة غظيمة للعمال دول وفعلا انفردوا بينا لوحدنا وجم االساعة 9 كانوا تقريبا فالاول 20 وبعدين فجاة وصلوا اكتر من كده 50 اوكتر والله اعلم وقفلوا علينا البوابة تانى وكان سياده اللواء / احمد بك عابدين مش موجود كالعادة اصله ما شالله بيشم الخطر من على بعد وبيجرى بالعربية من بعيد احنا اول ما لاقينا كده قلنا احنا ننزل احسن نمشى وهو يتصرف معاهم مادم هما عاوزينه لسه هننزل لانا البوابة مقفول وكان فى زميل لينا اتعور وهو بينط من على الحديد وراح المستشفى فبدأ التوتر نزل رجالة الشركة الى اول مرة يبقى على قلب رجل واحد لاقو من العمال دى شتائم وكلام خارج وبدأو يضربوا فى زمالينا موظفين الناس الكبيرة والصغيرة اتصلنا بالشرطة كتيييييير والمحااااافظة ولا حد عبرنا
وبعدين سمعنا على قطع المياه ولاقينا الدنيا اتقلبت
مين بقى اللى جه بالظبط لانى شفتهم ومش محتاجة انى اكذب
الاستاذ سكرتير عام المحافظة مش المحافظ عزازى اللى بيقولوا انه جه ولا حصل
وكمان المستشار العسكرى ومهندس شاكر عبدالفتاح والمهندس سيد نصار من عندنا من الشركة والعمال الى عاملين القلق ده
بس بعد قطع المياه والضرب والاصابات والخوف والناس اللى اغمى عليها من الرعب اللى شافوه امبارح
والله والله والله انه اللى حضر السكريتر مش المحافظ
يعنى عملنا الثورة وبرده الكذب فى دمنا
قلة ادب والهى العظيم انا لو مسئول لاروح العمال دى واحبسهم كمان حتى مياة الشرب ياهمج يعنى ارواح الناس بقت لعبه فى ايد شويه طماعين وهمج فعلا شعب عاوز يتربى من جديد
نقرا الخبر صح
عمال صرف مفصولين
مدينه الزقازيق انقطع عنها المياه
لازم نسال طب هيا الزقازيق اي محطه بتغذيها بالمياه قبل منعلق
طبعا محطه الزقازيق الي قدام كوبري الاسكان ودي محطه مياه
طب ناخد شويه معطيات
المحطه دي محطه مياه فقط ولا علاقه لها بالصرف الصحي
المحطه دي لا توجد بها عماله من النوع الي كان عامل وقفه احتجاجيه
المحطه دي كل موظفيها بتاخد اومر من مديرين عموم في الشركه
ساعتها لازم نعرف ان الخبر ده فيه تجني علي موظفي الشركه واحنا بس حابين نفكركم اننا كنا شغالين عادي من يوم 25/يناير 2011 ولم ننقطع عن الخدمه تجاهكم ونرفض هذا الاسلوب ضد اي مواطن
الي امر بقطع المياه هم من داخل الشركه ومش عارفين هل السبب
الصاق تهم بالمحتجين
طلب تدخل من اي جهة اعلي بعد هروب رئيس الشركه من مواجهة المحتجين
الامرين معا
في كل الاحوال فانا شايف ان الموضوع محتاج تغيير لانه بقا مقرف والتغيير من اول المحافظ وانت نازل بقا علشان احنا قرفنا وطهقنا وطلع عينا من اللهو الخفي وعمايله السوده