علقت الإعلامية ريهام سعيد، مذيعة برنامج “صبايا الخير”، على قرار حبسها سنة ونصف، بتهمتي السب والتشهير في القضية المعروفة إعلاميًا بـ”فتاة المول”.
وقالت ريهام سعيد، عبر صفحتها الرسمية على مواقع التواصل الاجتماعي “الفيسبوك” مساء يوم الاثنين، :”النهارده بلدي كرمتني.. بعد 13 سنة بعالج كل الناس وبخدم كل اللي حواليا، بعد 12 سنة فتحت مدرسة لذوي الاحتياجات الخاصة وعالجت آلاف الأطفال بفضل الله، مانمتش وماكلتش حتى فلوس والله ما أخدت.. ضيعت عمري عشان أعمل حاجة للبلد دي، ضيعت حلم التمثيل اللي تعبت في الجامعة فيه عشان ماسيبش الناس الغلابة”.
وتابعت “سعيد”: “كنت ماشية عكس التيار عشان أقول الحق، أخدت النهاردة سنة ونص سجن، كنت بلف العالم أدور على علاجات جديدة للناس الغلابة، وعمري ما قصدت ولا حاولت أشهر بحد.. الإعلام مافهوش حاجة اسمها ستر مع أني ماتكلمتش لحد دلوقتي.. ساعات الحقيقة بتكون فضيحة”.
واختتمت مذيعة صبايا الخير تدويناتها، قائلة :”كل الناس اللي بتغلط وتشتم وتشهر بجد نجوم دلوقتي! المحامي بيقولي ده أمر من فوق.. فوق فين؟ كنت بقول (تحيا مصر) ويحيا العدل فين العدل؟.. ريهام سعيد مجرمة لكن مرتضى مثلا عمره ما شهّر بحد.. خسارة يا بلدي، خسارة مجهودي.. خسارة يا مصر”.
المصدر
تابع الشرقية توداي على جوجل نيوز 
