قال الرئيس عبد الفتاح السيسي، إنه قد حضر احتفالية يوم الشهيد كي ينال شرف لقاء أسر الشهداء، متابعًا: «يا ريت أعمل أي حاجة لأسرة كل شهيد، ربنا يجمعنا بيهم في مستقر رحمته، ويكون لينا نصيب نبقى معاهم في المقام العالي اللي استحقوه بتقديم أرواحهم لأجل خاطر الناس».
وأضاف خلال كلمته بالندوة التثقيفية للقوات المسلحة، احتفالًا بيوم الشهيد، اليوم الأحد، أنه كلما يسأل أسرة من أسر الشهداء يجد الإجابة أنهم لا يريدون شيئًا، متابعًا: «هي قدمت أغلى حاجة، ومهما عطيت ميساويش حاجة جمب اللي قدموه لبلدنا».
وعقب أن كل الشهداء الذين قدمتهم البلاد يعتبرون ثمنًا غاليًا لأمن الوطن، مضيفًا: «يا ترى إحنا بندي الجيش والشرطة إيه مرتبات؟ بيعملوا وقفات عايزين فلوس؟ بيقولوا مش هنكمل إلا لو إديتنا، لا والله لا حصلت ولا هتحصل».
واستطرد: «لو قلتكلم المرتبات اللي بياخدوها الجيش والشرطة هتستغربوا لأنها أرقام متواضعة، وطول عمرها كده، ومحدش أبدًا طلب زيادة وقال بنقدم أرواحنا وسايبين ولادنا».
وشهد الرئيس عبد الفتاح السيسي، الندوة التثقيفية للقوات المسلحة، احتفالًا بيوم الشهيد، في مركز المنارة للمؤتمرات.
وتحتفل مصر في التاسع من مارس كل عام، بيوم الشهيد؛ تخليدًا لذكرى استشهاد رئيس أركان حرب الجيش المصري، عبد المنعم رياض.
تابع الشرقية توداي على جوجل نيوز 
