علق مؤدي المهرجانات حسن شاكوش، على قرار نقيب الموسيقيين الفنان هاني شاكر، بوقفه عن الغناء نهائيا، قائلا: “أنا بحترم قرار النقابة، وأنا مليش شغلانة تانية غير الفن، وده أكل عيشي”.
تعليق حسن شاكوش على قرار وقفه عن الغناء نهائيا
وردا على اتهامه بغناء أغنية تحتوي على ألفاظ خارجة، قال “شاكوش” خلال مداخلة هاتفية في برنامج الحكاية مع الإعلامي عمرو أديب: “دي كانت وقت مشكلتي مع الفنان رضا البحراوي، ودي مشكلة وراحت لحالها، ودي أول مشكلة ليا”.
وأضاف: “أنا مشتغلتش في مصر خارج الفترة اللي فاتت بسبب قرار النقابة بوقفي عن الغناء، وبحترم قرار النقابة لآخر لحظة، لكن اشتغلت حفلات برا مصر في تونس والإمارات، وعندي حفلات تانية برا مصر”.
وعن محاولة حل المشكلة بشكل ودي مع النقابة، قال “شاكوش”: “أنا مستني لما رضا البحراوي يشتغل، وبعد كده أخد إجراء، وأقعد مع النقابة علشان أشوف حل للمشكلة، لأن دي أول غلطة ليا، وفعلا تواصلت مع أشخاص في النقابة، لكن بيردوا عليا إن لسه مفيش جديد”.
واستكمل: “أنا عايز أرجع اشتغل في بلدي، مينفعش أبقى موقوف في بلدي وبشتغل برا” موضحا أن قرار النقابة لا يمنعه من عمل أغاني وطرحها على موقع يوتيوب، قائلا: “ملهاش علاقة لكن الواحد ملوش نفس يعمل أي أغاني”.
تابع الشرقية توداي على جوجل نيوز 
