حمو بيكا يفتح النار على تامر عبدالمنعم .. خرج مؤدي المهرجانات، حمو بيكا، عن صمته، للرد على ندوة “قصر السينما”، التى حضرها الفنان هاني شاكر، نقيب المهن الموسيقية، والفنان تامر عبد المنعم.
حمو بيكا يفتح النار على تامر عبدالمنعم
وقال حمو بيكا تعليقًا على قرار منعه في بث مباشر عبر حسابه الرسمي بموقع الصور والفيديوهات “إنستجرام”، وقال: إحنا في سنة 2021 يا جماعة وده عصرنا وجيلنا إحنا، زي ما سمعناكم أنتم لازم تسمعونا، زي ما إحنا كنا جمهوركم لازم تكونوا جمهورنا.
وأضاف حمو بيكا موجهًا حديثه للفنان تامر عبد المنعم قائلًا: “أنتم ليه عايزين تحطمونا وليه شايفنا غلط، وزي ما بتقولوا البلد فيها قانون ماحدش يقدر يمنعنا من الغناء، إنتوا ليه شايفينا زبالة”.
وأضاف حمو بيكا: ليه مانغنيش في بلدنا ليه أغني بره مصر، إحنا في بلد حرية مافيهاش المنع، من ساعة ما الرئيس السيسي جه مصر، والبلد كل يوم بتتطور، ليه عايزين تخرجونا من البلد، واللي عمل غلط يحاسب عليه.
وكان الفنان هاني شاكر نقيب المهن الموسيقية قال “جبنا مدرس لمؤدي المهرجانات حمو بيكا لتعليمه الغناء ما راحش غير مرة واحدة وزوغ وسقط في اختبار النقابة”.
تابع الشرقية توداي على جوجل نيوز 
