نقل حمو بيكا إلى المستشفى.. تعرض الفنان الشعبي ومطرب المهرجانات “حمو بيكا” لأزمة صحية مفاجأة ونقل على إثرها لإحدى المستشفيات.\
نقل حمو بيكا إلى المستشفى
حيث نشرت الصفحة الرسمية للفنان “حمو بيكا” على موقع التواصل الاجتماعي “فيس بوك” صورة له وهو يرقد على سرير إحدى المستشفيات في وضع حرج، وعلق عليها أدمن الصفحة: “إدعو لحمو بيكا يقوم بالسلامة يا جدعان .. وحسبي الله ونعم الوكيل في اللي كان السبب !”.
تجدر الإشارة أن حمو بيكا دخل في نوبة بكاء شديدة على الهاوء مباشرة خلال استضافته في برنامج “كلام الناس” المذاع على قناة “mbc مصر” مساء الجمعة، وأكد أنه لن يخضع لاختبارات نقابة الموسبقين مرة أخرى، قائلا: “لا مش داخل أنا تاني خلاص.. مش عاوزها.. والكورسات الصوت دي مبتتعملش غير لحمو بيكا!!.. لما تحكموا احكموا بالعدل.. أنا تعبت ومحدش حاسس باللي أنا فيه.. ولا حد حاسس باللي جوايا”.
وأضاف: “أنا بطلب إني أكل عيش مش عايز حاجة تانية أنا، وفي ناس دخلت النقابة بالتزوير.. في افترى وفي ظلم” ووجه حديثه للنقيب هاني شاكر: “أنا مش داخلك بصوتي أنا داخل بجمهوري.. أنا مش لازم يكون صوتي كروان عشلان حضرتك تديني الكارنيه.. أنا ليا جمهور بيحضر حفلتي كان أكتر من 40 ألف متفرج، مينفعش يكون ليا الجمهور ده كله ومتصنفنيش سواء راب أو أي حاجة، لأن مفيش قانون في البلد يمنعني من الغنا”.
وقد تعاطف عدد كبير من الجمهور مع حمو بيكا بعد بكائه، وجاءت تعليقات الجمهور على بكاء حمو كالتالي:
“والله حرام اللي بيحصل مع بيكا.. ربنا معاك ويوفقك.. ماتعيطش وحاول وربنا معاك” وقال آخر: “الله يكون معاك يا حمو اجتهد وامتحن وخد التصريح اذا كنت عايز تغني” وأضاف آخر: “ما يستهلش حمو والله كلنا زعلنا عليك حبيبي قلبي انت غالي علينا كلنا ربنا يعينك ويفك كربتك أن شاء الله حتفرج بإذن الله” وتابع آخر: “انا كنت من عشاق هاني شاكر لكن صدمت فيه ما يفعله حرام ليدع الناس يختاروا من يسمعوا فهو ليس له الحق أن يقطع عيش الناس.”.
تابع الشرقية توداي على جوجل نيوز 
