وجهت الفنانة “شمس” هجوم حاد على مطرب المهرجانات “حمو بيكا” خلال ظهورها في برنامج “نص الكلام” تقديم الإعلامية رغدة شلهوب، المذاع عبر شاشة النهار، وقالت ردًا على سؤال “إيه اللي مزعلك من حمو بيكا”: “هو أصلاً مين حمو بيكا أنا معرفش حمو بيكا، ومظنش إنه اسكندراني، أكيد من حتة تانية”.
وأضافت: “هو محصلش حاجة بيني وبينه، ومينفعش يحصل حاجة بيني وبين حمو بيـكا حاجة، هو كل الموضوع حاجة شخصية وجعتني، لأنه كان بيعمل مسلسل وطلبوني في المسلسل ده وأنا اعتذرت، وأنا أول ما اشتغلت اشتغلت مع العظيمة يسرا وأحمد رمزي، واشتغلت مع نجوم وعظماء كتير جدًا”.
وأردفت “شمس”: “بيكا بيقول شمس معرفهاش، شمس اللي بقالها 25 سنة بتمثل عيب عليك، أنا لو زعلانة من حد وطلب مني أتصور معاه ببتسم له وبتصور معاه عادي، لكن يقول أنا معرفهاش علشان رفضت أدخل معاه في المسلسل مينفعش”.
وتابعت: “الفن له أصول وأخلاق وانت أصلاً مش موهوب حتى، ولا شكل ولا منظر ولا موهبة، وكمان قلة أدب لا عيب”.
أول تعليق من حمو بيكا على هجوم الفنانة شمس
ومن جانبه، حرص “حـمو بيكا” على الرد على تصريحات الأخيرة، قال من خلال صفحته الرسمية على موقع التواصل الاجتماعي فيس بوك: “أنا عمري في حياتي ما قولت أنا معرفش الفنانة شمس، بالعكس أنا بحبك وبحترمك جدًا”.
وأضاف “بيكا”: “لو وصل لحضرتك أي كلام منسوب ليا، فأنا من خلال صفحتي الرسمية بقول لحضرتك أنا عمري ما قولت إني معرفكيش، وأنا عارفك وبحترمك وبحبك جدًا، وانت على دماغي من فوق”.
وتابع: “شكرًا على كلامك عني، ولكي كل التقدير والاحترام لحضرتك”.
تابع الشرقية توداي على جوجل نيوز 
