كتبت | إيمان سالم
” أبله فضيله ” ، كلمتين وبس ، تواشيح النقشبندي ، مين مننا مكبرش مع حكايات وكلام وتواشيخ الراديو , مين فينا مكنش بيصحي الصبح بدري علي أنغام أم كلثوم واسمهان وقنديل , مين فينا مكنش الراديو علامة مسجلة في حياته .
الشرقية توداي بدأت من خمس سنين وكان هدفها الأول والأخير هو نقل نبض الشارع الشرقاوي , وبعد ما حققنا نجاح كبير وقدرنا نوصل لثقة أكثر من 5 مليون شرقاوي كان لازم ناخد خطوة جديدة نِسْمَعكم بيها قبل ما تسمعونا ومن هنا كانت انطلاقة راديو الشرقية توداي عشان نكمل بيكم مسيرة نجاحنا بطعم شرقاوي , لو بتسألنا هتسمعنا ازاي تقدر تسمعنا اون لاين علي موقع راديو الشرقية توداي .
- وعلشان صباح الشرقاوي صباح مختلف ونشيط اخترنا نصبح عليكم بصباحك لايت مع شيماء جبران واحمد الدمرداش .
- ولأن الشارع الشرقاوي مليان بالأحداث المهمة هيكون معاكم يوميًا محمد عصام عشان تكون في نبض الشارع الشرقاوي .
- وبما أن ساعة العصاري متحلاش الا مع الصحبة الحلوة هتكون معاكم انجي دياب في الصحبجية .
- وكمان لأنك طول ما أنت ماشي في الشارع الشرقاوي بتقابل مشاكل بيبقي نفسك تتكلم فيها وبتقابل ناس كمان بيبقي نفسك تساعدهم ولو بكلمه خلي مشاكلك علي ذمة التحقيق مع سامح المصري.
- ولأن الجمال في الأصل شرقاوي وعشان تكوني دايماً أحلي هتكون معاكي نادية طلال مع برنامج ” أنتي وبس ” لكل ست وكل بنت مصرية .
- لأصحاب المزاج العالي رواد السهر والحكاوي سهرتكم مع ايهاب العزازي في برنامج ” في الخمسينة ” .
- ولكل عشاق الاغاني الغربي والموسيقي المختلفة استنوا ميرنا ميسرا في تيونز شو .
- شبابك أحلي وحياتك أحلي عشان كده لازم تستنوا نيفين ميشيل لأنها هتكون معاكم في برنامج ” شباب أكتر ” .
- جوا كل واحد فينا سر كبير وانه يقوله لحد أكيد ده قرار خطير لكن لو حابب تحكيه لحد يبقى مع محمد الشافعي سرك في بير .
- الدين المعاملة وكل ورسولنا الكريم وصانا بحسن الخلق عشان كده هتكون معاكم زينب محجوب في برنامج ” أحسنكم خلقاً ” .
- لو عايز تبدأ يومك بشكل صحي وطريقة صحية اسمع كل يوم معلومة طبية علي راديو الشرقية توداي.
راديو الشرقية توداي الطعم شرقاوي
تابع الشرقية توداي على جوجل نيوز 
