ثقافة و فنسلايد

“مش عارفين الساعة اللي جاية شايلة إيه”.. رامي رضوان يكشف وضع دلال عبدالعزيز الصحي

رامي رضوان
رامي رضوان

كشف الإعلامي رامي رضوان، عن تأثير الشائعات التي انتشرت يوم السبت الماضي بشأن وفاة الفنانة دلال عبد العزيز، على أفراد الأسرة، موضحا آخر تطورات الحالة الصحية لحماته.

تأثير شائعة وفاة دلال عبد العزيز على أسرتها

وقال “رضوان”، في برنامج “مساء دي إم سي”، المذاع على فضائية “دي إم سي”:”إحنا كأسرة بنعمل شيفتات خلال الـ24 ساعة علشان نكون موجودين مع حماتي العزيزة، ودايما موجودين جنبها في غرفة تابعة للرعاية، وبالصدفة الشيفت كان بتاعي وحسن وإيمي كانوا موجودين معايا، وفجأة كمية رسائل وتليفونات لا حصر لها للتعزية”.

وتابع: “رديت على التليفون لقيت حد بيقولي في خبر اتنشر، أنا فهمت هو يقصد إيه وقولتله إبعتلي الخبر، لقيت فعلا موقع واتنين وتلاتة نشروا الخبر، وناس كتير بعتتلي سكرينات من الأخبار علشان اخد إجراء قانوني”.

واستكمل: “في اللحظة دي شقيقة النجمة دلال عبد العزيز والتي تعيش في الإسكندرية بتتصل بيا، طبعا أنا عارف هي بتتصل ليه، أنا رديت وقولتلها احنا زي الفل، والصوت بتاعها فيه كمية من الخضة البكاء المكتوم، علشان كده سارعت في كتابة النفي”.

وأضاف: “كمان الأصعب بنت من بناتها وهي دنيا كانت مريحة شوية بعد شيفتها مع مامتها، تصحى على خبر وفاة مامتها، فالموضوع على الجانب الإنساني صعب على أي أسرة، ده بالإضافة على إن الأسرة عندها مصاب جلل، لأنها فقدت الأب”.

رامي رضوان يكشف وضع دلال عبدالعزيز الصحي

واختتم: “إحنا عايشين في معاناة من 3 شهور، ومش عارفين الساعة اللي جاية شايلة إيه، والوضع الصحي للفنانة الكبيرة دلال عبد العزيز صعب مش سهل، ومفيش تحسن، وعلشان كده أرجو من السادة الصحفيين والإعلاميين ضرورة التأكد قبل نشر خبر زي ده”.

 

أحمد سمير

أحمد سمير حاصل على بكالوريوس إعلام جامعة الأزهر .. أعمل بمجال الصحافة منذ عام 2015 .. عملت في موقع الشرقية توداي كاتب صحفي .. وصحفي فيديو .. وحاليا محرر صحفي .. عاشق للتصوير والمونتاج والإخراج
زر الذهاب إلى الأعلى