ثقافة و فنسلايد

شقيقة زوج ريهام حجاج توجه رسالة قوية لـ ياسمين عبد العزيز.. (فيديو)

ريهام حجاج

ردت لمياء حلاوة، شقيقة رجل الأعمال “محمد حلاوة” زوج الفنانة ريهام حجاج، على تلميحات الفنانة ياسمين عبد العزيز على زوجة شقيقها، تعليقا على حلقة ريهام حجاج مع الإعلامية بوسي شلبي على قناة النهار.

حيث ظهرت في مقطع فيديو عبر حسابها على موقع إنستجرام، وقالت: “أنها شوفت حلقة ريهام صاحبتي وأختي ومرات أخويا، وفرحانة جدا به وشوفت أنها قالت كلام محترم وكلام من قلبها”.

وتابعت: “الحاجة اللي ضايقتني وأزعجتني جدا، ودي حاجة أزعجتها جدا، الكلام اللي اتقال من كام ساعة، حرابيق وكلام ميصحش يتقال”.

وأضافت شقيقة محمد حلاوة: “يا جماعة إحنا بقالنا 3 سنين بنتحارب ونتهاجم وبيتقال علينا كلام غلط، وإحنا مبنردش علشان خاطر مصلحة ولادنا وده اللي اتعلمناه في الدنيا، إن إحنا نخاف على ولادنا، لكن الظاهر إن في ناس تانية مش فارق معاها الكلام ده”.

واستكملت موجهة كلامها للفنانة ياسمين عبد العزيز: “إحنا خلاص خرجناكي من حياتنا وقفلنا صفحتك، ومش بس كده لا إحنا مبنفتكركيش، وعايزينك إنت كمان تركزي في صفحتك، وتنسينا وحاولي أن أنتي تكوني سعيدة لأن أحنا بقينا سعداء وأحنا بعيد عنك”.

اختتمت حديثها: “يارب الكلام ده يوصلك، لأن غير كده أنا أظن أنك هتبوظي الصفحة الجديدة بتاعتك هي كمان، ده اللي عاوزة أقولهولك وده اللي أنا عايزة أقوله لمصلحة ولادك”.

وكانت الفنانة ياسمين عبد العزيز نشرت عبر حسابها على فيس بوك كوميك لشخصية “خديوي” التي جسدنا زوجها الفنان أحمد العوضي في مسلسل “اللي ملوش كبير” رمضان الماضي، وعلقت عليها: “على الله حكايتكم يا جوز حرابيق”.

أحمد سمير

أحمد سمير حاصل على بكالوريوس إعلام جامعة الأزهر .. أعمل بمجال الصحافة منذ عام 2015 .. عملت في موقع الشرقية توداي كاتب صحفي .. وصحفي فيديو .. وحاليا محرر صحفي .. عاشق للتصوير والمونتاج والإخراج
زر الذهاب إلى الأعلى