مفيش بنت ما بتحملمش بشعر صحى ناعم و جذاب و كمان بشرة نضرة و ناعمة و جميلة ، و كتير بنجرب حاجات سواء مستحضرات تجميل او وصفات و مستحضرات طبيه علشان نوصل للنتيجة اللى بنتمناها و اللى ممكن تكون مكلفة ، لكن فى الموضوع ده ” بنات حوا ” بتقدملك طريقة سهلة و مفيدة جدا مش بس لشعرك و لبشرتك و لكن كمان هتحسن صحتك، فى المقال ده هتعرفى فوايد و وصفات كتير لفيتامين E اللى ممكن يكون الحل السحرى لكل مشاكلك لانه مفيد جدا للبشرة و الشعر و تقدرى تحصلى عليه بسهولة E
فوايد فيتامين E :
1- مضاد للأكسده و ده بيخليه فعال جداً فى حماية الجلد و البشرة من الأشعة الفوق بنفسجة اللى بتيجى من الشمس ، و بيحمى خلايا البشرة من التلف .
2- بيساعد على محاربة التجاعيد و علامات التقدم فى السن و الخطوط الرفيعة اللى بتظهر فى منطقة الفم .
2- بيدخل فى تحضير كتير جداً من كريمات ترطيب البشرة لأنه بيعتبر مرطب و مغذى جيد للبشرة .
3- بيعتبر واقي جيد من الشمس و بيحمى من الإسمرار و حروق البشرة الناتجة عن الحرارة العالية .
4- كمان بيساعد فى علاج أمراض جلدية كتيرة خصوصاً فى حالات الحبوب أو الإلتهابات الجلدية .
مصادر فيتامين E :
فيتامين E له مصادر كثيرة مثل: بذور عباد الشمس ، السبانخ ، الافوكادو ، اللوز ، و موجود بنسبة فى زيت الزيتون .
وصفات باستخدام فيتامين E
الوصفة الأولى لفيتامين E لمحاربة التجاعيد
المكونات :
- بياض بيضة .
- عصير ليمونة .
- مقدار من زيت فيتامين E.
الطريقة :
امزجى بياض البيضة مع عصير الليمون وباستخدام قطنة افردى الخليط على شوك و سيبيه لحد ما ينشف كويس ، بعد ماينشف اغسلى وشك بمية ساقعة و جففيها بفوطة قطنية .
فى الخطوة التانية دلكى بشرتك بمقدار قليل من فيتامين E ،و سيبيه طول الليل على بشرتك .
الوصفة الثانية : لعلاج حب الشباب
لعلاج حب الشباب ، دلكى شعرك بزيت فيتامين e لمدة 5 دقايق بأطراف الأصابع فى حركة دائرية ثم اغسلى وشك بمية دافية ، كررى الخطوة دى يوميًا لحد ما توصلى للنتيجة المطلوبة ، الوصفة دى كمان مفيدة فى التخلص من البقع الغامقة على الوش .
الوصفة الثالثة : لنمو الشعر
المكونات :
- علبة زبادى .
- عسل ابيض .
- شريط كبسولات فيتامين e «موجود فى الصيدليات»
الطريقة :
امزجى علبة الزبادى مع مقدار مناسب من عسل النحل ، و عليهم شريط من كبسولات فيتامين e، فى الخطوة الثانية هتحطى الخلطة كلها على نار هادية جداً لحد ما الكبسولات تسيح و بعدين قلبى المزيج مرة تانية كويس .
اغسلى شعرك كويس و بعدين افردى الخلطة دى على شعرك كله و خصوصا فروة الرأس ، و غطى شعرك بغطاء رأس و سيبيى الخلطة لمدة من 2 ل 3 ساعات .
فى الخطوة الأخيرة ، اشطفى شعرك كويس بمية دافية ، كررى الوصفة دى من مرة لمرتين كل اسبوع علشان توصلى للنتيجة المطلوبة .
الوصفة الرابعة : لعلاج الهالات السوداء
المصدر
تابع الشرقية توداي على جوجل نيوز 
