“باخد فلوس من جيب جوزي أجيب حاجات للعيال.. فهل ده حرام؟”.. هكذا رد مبروك عطية

مبروك عطية يفتي: “باخد فلوس من جيب جوزي أجيب حاجات للعيال.. فهل ده حرام؟”

ورد إلى الدكتور مبروك عطية، رئيس قسم الدراسات الإسلامية بجامعة الأزهر، سؤالا عبر قناته الرسمية على موقع “يوتيوب” يقول: “بقلب في جيوب جوزي وباخد الفلوس الفكة وأجيب بها شيكولاته للعيال، فهل ده حرام عليا؟”.

عطية: حرام وعينك متجيش عليها

وقال الدكتور مبروك عطية ردًا على السائلة: “الإجابة نعم حرام، فلوس الزوج اللي مآمنك وبيسيب البنطلون والجاكيت وفيه اللي فيه، عينك المفروض متجيش عليها، ولا تعديها، والعيال تقول لبابا هات أجيب شيكولاته”.

وتابع مبروك عطية: “أو انت تقولي له هات للواد حاجة حلوة حاجة للبنت حاجة حلوة” مستشهدا بقول الله تعالى: “أَوَمَنْ يُنَشَّأُ فِي الْحِلْيَةِ وَهُوَ فِي الْخِصَامِ غَيْرُ مُبِينٍ” موضحا أن المعنى من الحلبة الزينة واللبس والأكل”.

واستكمل: “عودي العيال تطلب من بابا الشيء اليسير، أما المخلوع من الملابس فما فيه فهو أمانة عندكي، متاخديش حاجة من وراه أبدا ولا قرش صاغ ولا جنيه”.

وتابع “مبروك“: “أما لو عرفتيه أن ساعات بحط أيدي في البنطلون وبلاقي 2 جنيه وبديهم لحماده يجيب شيكولاته، وقال وماله ألف هنا لحماده وألف سلامة ليد أو حماده اللي اتمدت بعد الاستئذان”.

وفي حالة إذا كان الزوح بخيل، أوضح “عطية” أن قول النبي صلى الله عليه وسلم، لهند بنت عتبة: “خذي من ماله بالمعروف ما يكفيك ويكفي بنيك” كان حكم قضائي وليس فتوى.

مؤكدا: “اللي جوزها مقصر معاها تشوف لها سكة بالمعروف الأول وبالمحكمة ثانيا ومتاخدش من وراه”.

مردفا: “الزوجة هتجيب منين تعوده على الأنتخة وتشيل هي الحمل كله، لكن بالذوق والمحكمة والقضاء هتاخدي حقك”.

وأشار في حديه للسائلة: “لما يرجع بالسلامة جوزك قولي له عايزه أقولك حاجة أنا مديت إيدي في البنطلون لقيت 3 جنيه وأديتهم لابنك أرجو المسامحة، وكده كأنك نزلتي بردا وسلاما على قلبه، ويقولك وماله وبرافو”.

إقرأ أيضا

“زنيت وأنا شاب فهل ينفع أجلد نفسي لأتطهر؟”.. هكذا رد مبروك عطية

زوجتي أصبحت 150 كيلو.. ومعاشرتها صعبة فهل لي أن أتزوج؟.. هكذا رد مـبروك عطية (فيديو)

“مراتي لها طلبات غريبة أثناء العلاقة أتصرف إزاي؟” هكذا رد مبروك عطية (فيديو)

“زوجي مات أثناء العلاقة الزوجية.. هل يبعث على ما مات عليه؟”.. هكذا رد مـبروك عطية

مراتي مصاحبة رجالة وبتقولي عادي.. أعمل إيه؟.. رد عنيف من مبروك عطية (فيديو)

“كتبت كتابي على بنت ومش طايقاني وعايز أطلقها وأتجوز أمها”.. رد قوي من مـبروك عطية

تابع الشرقية توداي على جوجل نيوز