زوجتي أصبحت 150 كيلو.. ومعاشرتها صعبة فهل لي أن أتزوج؟.. هكذا رد مبرك عطية
“زوجتي بقت 150 كيلو ومعاشرتها صعبة فهل لي أن اتزوج؟” سؤال ورد إلى الدكتور مبروك عطية، أستاذ الشريعة الإسلامية بجامعة الأزهر من أحد متابعيه.
وأجاب الدكتور مبروك عطية على السؤال عبر فيديو نشره عبر قناته الرسمية على موقع الفيديوهات “يوتيوب” قائلا: “أكيد أنت مخدتهاش 150 كيلو، وهي أكيد وصلت لكده علشان بتاكل كتير، أو في ناس بتتخن على الزعل”.
مضيفا في حديثه للسائل: “ماذا لو بقيت أنت اللي 150 كيلو ترميك في الزبالة، ولا تخلعك وتجوز” مؤكدا: “الأمور اللي يمكن معالجتها يجب أن تعالج، خليها تعمل شوية ريجيم وشوية رياضة، وهترجع 70 ولا 80 كيلو”.
وأضاف دكتور الشريعة الإسلامية مستنكرا: “هي العروسة التانية جاهزة على الباب، والشقة اللي عايزاها جاهزة، معاك الملايين؟ والعدل بين الزوجتين موجود؟ وهم ما يتلم”.
ونصح “مبروك” صاحب السؤال: “أنصحك بالريجيم لزوجتك على يد طبيبة صاحبة خبرة لتنسيق الأكل مع العلاج وترجع غزال وتنتهي القصة دي، يهدي ربنا سركم، لكن كده هتفتح على نفسك فاتحة تانية تبهدلك عند الرب وعند العبد”.
واختتم: “الزواج ليس سهلا ثم ما الضامن أن الزوجة الجديدة مش هتحصلها وتبقى 160 كيلو؟ هتجوز تالت ؟؟!! فضينا ومورناش غير الجواز”.
إقرأ أيضا
“مراتي لها طلبات غريبة أثناء العلاقة أتصرف إزاي؟” هكذا رد مبروك عطية (فيديو)
“زوجي مات أثناء العلاقة الزوجية.. هل يبعث على ما مات عليه؟”.. هكذا رد مبروك عطية
مراتي مصاحبة رجالة وبتقولي عادي.. أعمل إيه؟.. رد عنيف من مبروك عطية (فيديو)
“كتبت كتابي على بنت ومش طايقاني وعايز أطلقها وأتجوز أمها”.. رد قوي من مبروك عطية
تابع الشرقية توداي على جوجل نيوز 
